Dizajni dhe Konstruksionet e Produkteve nga Druri- Baçelor

Dizajni dhe Konstruksioni i Produkteve nga Druri – Bachelor 

Programi bachelor profesional, tre vjeçar (180 ECTS) në Universitetin e Shkencave të Aplikuara në Ferizaj “Dizajni dhe Konstruksionet e Produkteve nga Druri” u ofron studentëve standardet më të larta ndërkombëtare të edukimit në këtë fushë. Përmbajtja dhe strukturimi i këtij programi vjen si rezultat i kërkesave të shtuara të subjekteve, të cilat merren me veprimtarinë e mobilieve, dizajnin dhe konstruksioneve në hapsirave të brendshme dhe të jashtme. Programi ofron lëndë me përmbajtje bashkëkohore të cilat në vazhdimësi përcjellin kërkesat e industrisë vendore dhe ndërkombëtare, duke krijuar kështu kuadro profesionale që do të ndihmojnë në zhvillimin e përgjithshëm të shktathtësive dhe njohurive lidhur me fushën përkatëse.

 Qëllimi

Qëllimi i programit është të zhvilloj kuadër të specializuar të profesionistëve në fushën e Dizajnit dhe Konstruksioneve të Produkteve të interierit dhe eksterierit, duke përdorur teknologjitë bashkëkohore dhe aplikacionet e kohës së fundit, të cilat i përshtaten lehtësisht kërkesave të tregut të punës. Ky qëllim është në harmoni edhe me misionin e institucionit.

 Rezultatet e pritura të nxënies

Pas përfundimit të suksesshëm të këtij programi, studenti do të pajisen me njohuri dhe shkathtësi për të qenë në gjendje të:

• Zhvillojnë shkathtësi të vizatimit teknik dhe gjeometrisë deskriptive;
• Njohin dhe aplikojnë materialet për dizajn dhe mobilie bazuar në vetitë e tyre;
• Aplikojnë programet kompjuterike për dizajn dhe konstruktim;
• Kuptojnë përmbajtjen e dizajnit dhe konstruksioneve të produkteve të interierit;
• Kuptojnë përmbajtjen e dizajnit dhe konstruksioneve të produkteve të eksterierit;
• Njohin dhe aplikojnë teknologjitë e përpunimit të materialeve;
• Kenë njohuri mbi ergonominë e dizajnit dhe konstruksioneve të mobilieve dhe të mbrojtjes në punë;
• Demonstrojnë aftësitë e të menduarit kritik në zgjidhjen e problemeve komplekse;
• Llogarisin koston dhe çmimin e produktit dhe të menaxhojnë prodhimin;
• Demonstrojnë aftësi të komunikimit me bashkëpunëtorët dhe klientët.

Metodologjia e mësimëdhënies: Metodologjia e mësimdhënies në FADTD bazohet në parimet bashkëkohore të procesit mësimor, duke kombinuar qasje teorike dhe praktike me qëllim zhvillimin e kompetencave profesionale të studentëve. Gjatë procesit të mësimdhënies përdoren:

• Ligjërata teorike – për prezantimin e koncepteve bazë dhe përmbajtjes akademike.
• Ushtrime praktike – për zhvillimin e shkathtësive dhe aplikimin e njohurive në situata reale.
• Diskutime dhe punë në grup – për të nxitur të menduarit kritik dhe bashkëpunimin.
• Studime rasti (case studies) – për analizimin e situatave konkrete dhe zgjidhjen e problemeve.
• Projekte dhe detyra individuale – për të zhvilluar aftësi kërkimore dhe punë të pavarur.
• Praktikë profesionale, kur kërkohet, për të mundësuar përvojë reale në fushën përkatëse.

Metodat e vlerësimit: Është e përshkruar në Doracakun e Studentit dhe, më specifikisht, në syllabusin e lëndës. Poashtu, bazuar në nenin 12 dhe 13 të rregullorës për studimet themelore (Bachelor) për përcaktimin e suksesit akademik aplikohen këto metoda:

1. Provimi
2. Kolokviumi
3. Punimi seminarik
4. Praktika profesionale
5. Testi praktik gjatë ushtrimeve

Zbatohen këto nota për përshkrim të suksesit në provime:

• 90-100 pikë:  10 ‘ A’ (shkëlqyeshëm)
• 80-89 pikë:  9  ‘B’ (shumë mirë)
• 70-79 pikë:  8  ‘C’ (mirë)
• 60-69 pikë:  7  ‘D’ (kënaqshëm)
• 50-59 pikë:  6  ‘E’ (mjaftueshëm)
• 0-49 pikë: 5   ‘FX/F’ (dobët)

 Mundësi punësimi në të ardhmen

Me njohuritë e fituara në këtë program, studentet do të mund të punojnë profesionalisht në një gamë të gjerë të industrive, si: kompanitë e shërbimeve për konstruksione druri dhe mobilieve, zyre projekturese, operator i makinave me komandim numerik CNC. Të diplomuarit mund të punojnë si:

• Dizajner të mobilieve;
• Operator me programet e CAD dhe CAM;
• Menaxher i cilësisë së produkteve të interier;
• Restaurues i objekteve të interierit.
• Mbikëqyrës i prodhimit të një ndërmarrje që merret me prodhime interieri;
• Konstrukor i mobilieve;
• Dizajner i hapësirave komerciale;
• Operator me softuerët për konstruktim.

Kohëzgjatja e Studimeve: 3 vite, gjashtë semestra

 Kreditë e fituara: 180 ECTS

Kualifikimet e dhëna: Titulli që fiton studenti: Baçelor profesional në Dizajn dhe Konsruksione të Produkteve nga Druri (Niveli 6 i Kornizës Kombëtare të Kualifikimeve të Kosovës)

 Normat e kalueshmërisë se programit

 Shërbimet dhe lehtësitë e disponueshme:

1. Laboratorët:

Fakulteti i Arkitekturës, Dizajnit dhe Teknologjisë së Drurit  posedon hapësirë të cilën e shfrytëzon, ku janë edhe laboratorët dhe punëtoritë e tij, ka licenca për përdorimin e softuerëve ose të licencuar ose shkollorë me licencë falas për qëllime akademike. FADTD, poashtu posedon kabinete të IT-së, InLAB, Punëtorinë e pajisur me teknologji përkatëse CNC dhe të tjera. Brenda kampusit, në fazën finale është edhe Instituti i Shkencave të Aplikuara në Ferizaj

2. Bibliotekën dhe hapësirat për student

Biblioteka e Universitetit ka 1433 lloje të ndryshme të botimeve, disa me më shumë se një ekzemplarë, ka 8 ulëse leximi për studentë si dhe ka hapësirën 48,36m². Gjithashtu ka edhe sallën e leximit me 40 ulëse. Studentët kanë gjithashtu qasje në bibliotekat elektronike, përmes linkut zyrtar të UShAF-it: https://ushaf.net  → Studentët → e-Biblioteka

3. Sistemet elektronike

Për menaxhimin e të dhënave të studentëve, UShAF përdor Sistemin për Menaxhimin e Informatave të Studentëve (SIMS) në linkun: sims.ushaf.net.  Për sistemin e e-maileve institucionale, përdoret platforma Outlook në: outlook.ushaf.net.  Për mësimin online, studentët përdorin platformën Microsoft Teams, ndërsa për punë akademike dhe qasje në aplikacionet institucionale, ata kanë qasje në Office 365, me të gjitha shërbimet dhe platformat e përfshira.

4. Lehtësitë për studentët me aftësi të kufizuara

Universiteti ka qasje për persona me aftësi të kufizuara, dhe ka instaluar edhe ashensorin për qasje për persona me nevoja të veçanta në të gjitha katet e objektit.

5. Rregulloret për studentë

Fakulteti i Arkitektures, Dizajnit dhe Teknologjise se Drurit sherbehet me rregulloren e me poshtme, si dhe doracakun e studentit:

• Doracaku i studentit
• Rregullore për Studimet Themelore(Bachelor)
• Rregullorja e Kodit Etik
• Rregullore për Praktikën Studentore
• Rregullore për Transfer të Studentëve
• Rregullore për Zgjedhjet Studentore në UShAF
• Rregullore mbi punën e Parlamentit të Studentëne në UShAF
• Rregullore tjera

6. Qendrën e karrierës

Qendra e Karrierës në Universitetin e Shkencave të Aplikuara në Ferizaj ka këto funksione kryesore:

• Ndihmon studentët në orientimin profesional (zgjedhja e drejtimit të karrierës, këshillime individuale)
• Organizon punëtori dhe trajnime si shkrimi i CV-së, përgatitja për intervistë, aftësi të buta (soft skills)
• Ndërmjetëson praktika profesionale duke bashkëpunuar me kompani lokale, kombëtare dhe ndërkombëtare
• Organizon Panaire të Punës dhe Karrierës ku studentët lidhen drejtpërdrejt me punëdhënësit
• Promovon mundësi punësimi dhe praktike përmes njoftimeve zyrtare të universitetit
• Mbështet alumnit (të diplomuarit)në gjetjen e punës dhe zhvillimin e mëtejmë profesional

7. Bursat e ofruara për student dhe tarifat e studimit

Bursat për studentë ndahen për çdo vit akademik, bazuar në rregulloren e Këshillit Drejtues për ndarjen e mjeteve financiare nga kategoria: Subvencione dhe transfere. Lartësia e  mjeteve financiare për ndarjen e bursave caktohet me vendim të veçantë nga Këshilli Drejtues për çdo vit fiskal.

Tarifat e studimit për studentë përcaktohen me Udhëzim Administrativ të veçantë të Ministrisë së Arsimit dhe UShAF zbaton tarifat e përcaktuara sipas  Udhëzimit Administrativ të Ministrisë së Arsimit.

8. Dita e dyerve të hapura

Në kuadër të aktivitetit “Open Doors”, universiteti hap dyert për të pritur maturantët e Kosovës, për t’i informuar ata rreth kushteve që ofron universiteti, rreth programeve e laboratoreve, si dhe hapësirave të tjera të cilat kontribuojnë në përvetësimin e shkathtësive profesionale. https://ushaf.net/ushaf-fillon-aktivitetin-open-doors/

9. Materiale informuese

• Linku për broshura