Informatikë e Aplikuar– Bachelor

Informatikë e Aplikuar – Bachelor

Programi trevjeçar në Universitetin e Shkencave të Aplikuara “Informatikë e Aplikuar”, do t’u ofrojë studentëve njohuri bashkëkohore teorike dhe praktike në fushën e informatikës së aplikuar.

Këto njohuri studentëve do t’u transmetohen përmes mësimdhënies interaktive dhe hulumtimeve në Informatikën e Aplikuar, me theks të veçantë në zhvillimin e teknologjive të informacionit në zgjedhje të problemeve konkrete dhe zbatimin e tyre në Industri, kjo për të zhvilluar profesionist të kualifikuar dhe ndërmarrës të nivelit të lartë të fushën e IT-se, në përputhje me nevojat e tregut të punës.

 Qëllimi

Qëllimi i programit të studimit bachelor “Informatikë e Aplikuar” është t’u ofrojë studentëve njohuri të ekuilibruara në fushën e shkencave kompjuterike dhe menaxhim biznesi me objektivin kryesor: formimin e kuadrove të specializuara me aftësi praktike dhe aplikative në analizimin, dizajnimin, zhvillimin, implementimin dhe operimin e teknologjive të informacionin në fusha të ndryshme, dhe të pajisu me njohuri themelore për mjedisin e një biznesi dhe menaxhim e tij.

 Rezultatet e pritura të nxënies

Pas përfundimit të suksesshëm të këtij programi, studenti do të pajisen me njohuri dhe shkathtësi për të qenë në gjendje të:

• Analizoj kërkesat e TI-së duke marrë parasysh nevojat e konsumatorëve dhe të biznesit, përshkruaj ato në nivel abstrakt dhe arsyetojë formën e përcaktuar të zbatimit të tyre.
• Analizoj, dizajnoj dhe zhvillojë zgjedhje softuerike të orientuar nga objektet për probleme reale në fusha të ndryshme dhe t’i mirëmbajë ato.
• Të zbatojë teknikat e testimit të softuerit, sigurimit të cilësisë dhe të demonstrojë aftësi në menaxhim të ndryshimeve.
• Konceptojë dhe zbatojë harduerin mbështetë për Sistemet e Informacionit si dhe të dizajnoj, konfiguroje, administroje dhe mirëmbajë rrjeta kompjuterike duke aplikuar standarde të larta të sigurisë.
• Identifikoj dhe zbatojë aplikimin e TI-së në mjedisin e biznesit për të ndihmuar arritjen e objektivave strategjike të biznesit.
• Demonstrojë aftësi për punë individuale dhe grupore në menaxhim efikas të projekteve komplekse të TI.
• Demonstrojë aftësi inovative menaxheriale dhe të ndërmarresisë në aplikim të IT-së, duke pasur nën kontroll zbatimin e të drejtave dhe parimet e etikes së biznesit.
• Demonstrojë vlera të larta komunikimi dhe prezantimi për të paraqitur qartë dhe bindshëm konceptet e TI-së për audience të ekspertëve dhe jo-ekspertëve dhe të bashkëpunoj në mënyrë konstruktive si pjese e ekipeve punuese.
• Analizoj dhe llogarisë koston dhe çmimin si dhe të dije parimet e marketingut dhe shitjes

Metodologjia e mësimëdhënies: 

• Ligjërata teorike – për prezantimin e koncepteve bazë dhe përmbajtjes akademike.
• Ushtrime praktike – për zhvillimin e shkathtësive dhe aplikimin e njohurive në situata reale.
• Diskutime dhe punë në grup – për të nxitur të menduarit kritik dhe bashkëpunimin.
• Studime rasti (case studies) – për analizimin e situatave konkrete dhe zgjidhjen e problemeve.
• Projekte dhe detyra individuale – për të zhvilluar aftësi kërkimore dhe punë të pavarur.
• Praktikë profesionale, kur kërkohet, për të mundësuar përvojë reale në fushën përkatëse.

Metodat e vlerësimit: Është e përshkruar në Doracakun e Studentit dhe, më specifikisht, në syllabusin e lëndës. Poashtu, bazuar në nenin 12 dhe 13 të rregullorës për studimet themelore (Bachelor) për përcaktimin e suksesit akademik aplikohen këto metoda:

1. Provimi
2. Kolokviumi
3. Punimi seminarik
4. Praktika profesionale
5. Testi praktik gjatë ushtrimeve

Zbatohen këto nota për përshkrim të suksesit në provime:

• 90-100 pikë:  10 ‘ A’ (shkëlqyeshëm)
• 80-89 pikë:  9  ‘B’ (shumë mirë)
• 70-79 pikë:  8  ‘C’ (mirë)
• 60-69 pikë:  7  ‘D’ (kënaqshëm)
• 50-59 pikë:  6  ‘E’ (mjaftueshëm)
• 0-49 pikë: 5   ‘FX/F’ (dobët)

 Mundësi punësimi në të ardhmen

Me njohuritë e fituara në këtë program, studentet do të mund të punojnë profesionalisht në një gamë të gjerë të industrive, si: kompanitë e shërbimeve të TI-se, Konsulencën e menaxhim, Sektorin e shërbimeve financiare, në firmat e auditimit, kujdesin shëndetësor, industri dhe Institucione publike. Për shembull, të diplomuarit mund të punojnë si:

• Programer (Desktop, Ueb dhe Mobile)
• Specialistë të TI në kompani të ndryshme
• Konsulent i sistemit
• Projektuesi i sistemit
• Analist i biznesit
• Arkitekt i TI
• Koordinator TI
• Arkitekt i sistemit
• Specialist i informatikës së biznesit
• Administratorët e shërbimit TI,
• Administratorët e rrjetit kompjuterik,
• Menaxherët e projektit ose asistentët e menaxherëve të projekteve.
• Koordinatori i projektit
• Të diplomuarit mund të ndërtojnë bizneset e tyre ose të punojnë si lancerë të lirë.

Kohëzgjatja e Studimeve: 3 vite, gjashtë semestra

 Kreditë e fituara: 180 ECTS

Kualifikimet e dhëna: Titulli që fiton studenti: Baçelor i shkencave në Informatikë e Aplikuar (Niveli 6 i Kornizës Kombëtare të Kualifikimeve të Kosovës)

 Normat e kalueshmërisë se programit:

 Shërbimet dhe lehtësitë e disponueshme:

1. Laboratorët:

Fakulteti i Inxhinierise dhe Informatikes ka laboratorine makinerise, laboratorin per energjine e ripertitshme, laboratorin e Fizikës dhe Kimise si dhe laboratorin e informatikes. Secila klasë e mësimit është e paisur me Smart Table të gjenerats se fundit.

2. Bibliotekën dhe hapësirat për student

Biblioteka e Universitetit ka 1433 lloje të ndryshme të botimeve, disa me më shumë se një ekzemplarë, ka 8 ulëse leximi për studentë si dhe ka hapësirën 48,36m². Gjithashtu ka edhe sallën e leximit me 40 ulëse. Studentët kanë gjithashtu qasje në bibliotekat elektronike, përmes linkut zyrtar të UShAF-it: https://ushaf.net  → Studentët → e-Biblioteka

3. Sistemet elektronike

Për menaxhimin e të dhënave të studentëve, UShAF përdor Sistemin për Menaxhimin e Informatave të Studentëve (SIMS) në linkun: sims.ushaf.net.  Për sistemin e e-maileve institucionale, përdoret platforma Outlook në: outlook.ushaf.net.  Për mësimin online, studentët përdorin platformën Microsoft Teams, ndërsa për punë akademike dhe qasje në aplikacionet institucionale, ata kanë qasje në Office 365, me të gjitha shërbimet dhe platformat e përfshira.

4. Lehtësitë për studentët me aftësi të kufizuara

Universiteti ka qasje për persona me aftësi të kufizuara, dhe ka instaluar edhe ashensorin për qasje për persona me nevoja të veçanta në të gjitha katet e objektit.

5. Rregulloret për studentë

Fakulteti i Arkitektures, Dizajnit dhe Teknologjise se Drurit sherbehet me rregulloren e me poshtme, si dhe doracakun e studentit:

• Doracaku i studentit
• Rregullore për Studimet Themelore(Bachelor)
• Rregullorja e Kodit Etik
• Rregullore për Praktikën Studentore
• Rregullore për Transfer të Studentëve
• Rregullore për Zgjedhjet Studentore në UShAF
• Rregullore mbi punën e Parlamentit të Studentëne në UShAF
• Rregullore tjera

6. Qendrën e karrierës

Qendra e Karrierës në Universitetin e Shkencave të Aplikuara në Ferizaj ka këto funksione kryesore:

• Ndihmon studentët në orientimin profesional (zgjedhja e drejtimit të karrierës, këshillime individuale)
• Organizon punëtori dhe trajnime si shkrimi i CV-së, përgatitja për intervistë, aftësi të buta (soft skills)
• Ndërmjetëson praktika profesionale duke bashkëpunuar me kompani lokale, kombëtare dhe ndërkombëtare
• Organizon Panaire të Punës dhe Karrierës ku studentët lidhen drejtpërdrejt me punëdhënësit
• Promovon mundësi punësimi dhe praktike përmes njoftimeve zyrtare të universitetit

Mbështet alumnit (të diplomuarit)në gjetjen e punës dhe zhvillimin e mëtejmë profesional

7. Bursat e ofruara për student dhe tarifat e studimit:

Bursat për studentë ndahen për çdo vit akademik, bazuar në rregulloren e Këshillit Drejtues për ndarjen e mjeteve financiare nga kategoria: Subvencione dhe transfere. Lartësia e  mjeteve financiare për ndarjen e bursave caktohet me vendim të veçantë nga Këshilli Drejtues për çdo vit fiskal.

Tarifat e studimit për studentë përcaktohen me Udhëzim Administrativ të veçantë të Ministrisë së Arsimit dhe UShAF zbaton tarifat e përcaktuara sipas  Udhëzimit Administrativ të Ministrisë së Arsimit.

8. Dita e dyerve të hapura

Në kuadër të aktivitetit “Open Doors”, universiteti hap dyert për të pritur maturantët e Kosovës, për t’i informuar ata rreth kushteve që ofron universiteti, rreth programeve e laboratoreve, si dhe hapësirave të tjera të cilat kontribuojnë në përvetësimin e shkathtësive profesionale. https://ushaf.net/ushaf-fillon-aktivitetin-open-doors/

9. Materiale informuese

• Linku për broshura