Menaxhimi dhe Inovacioni në Turizëm – Master

Menaxhimi dhe Inovacioni në Turizëm – Master

Programi MSc në Menaxhimi dhe Inovacioni në Turizëm në Universitetin e Shkencave të Aplikuara në Ferizaj është në harmoni me misionin e institucionit për të ofruar një arsim inovativ dhe të orientuar drejt praktikës, me synimin për të përgatitur profesionistë të kualifikuar. Ky mision thekson integrimin e të nxënit teorik dhe praktik, duke nxitur mendimin kritik dhe aftësitë profesionale që kontribuojnë në mirëqenien shoqërore. Përmbajtja dhe struktura e programit mbështesin këto objektiva duke i pajisur studentët me kompetencat e nevojshme për të përmbushur kërkesat në rritje të sektorit të turizmit në Kosovë, veçanërisht në rajonin e Ferizajt.

Programi inkurajon studentët të marrin pjesë në kërkime shkencore dhe të aplikuara, duke rritur cilësinë e rezultateve akademike në sektorin e turizmit. Studentët punojnë ngushtë me stafin akademik në projekte kërkimore që trajtojnë sfidat aktuale të industrisë. Përmes partneriteteve me biznese lokale dhe entitete ndërkombëtare, programi krijon një mjedis që mbështet kërkimin bashkëpunues. Ky bashkëpunim forcon kontributin e programit në iniciativat kërkimore të turizmit, si në nivel lokal ashtu edhe global.

 Qëllimi

Programi synon t’u ofrojë studentëve njohuri të avancuara teorike dhe kompetenca praktike në fushat e menaxhimit dhe inovacionit në turizëm, duke ndihmuar në zhvillimin dhe avancimin e kësaj fushe në Kosovë, po edhe të përgatisë kuadro që do të mund të integroheshin edhe në tregun botëror të punës.

 Rezultatet e pritura të nxënies

Pas përfundimit të suksesshëm të këtij programi, studenti do të pajiset me njohuri dhe shkathtësi që të mund të:

• zhvillojnë produkte të ndryshme turistike nga përjetimet dhe përvojat e turistëve/udhëtarëve;
• analizojnë fenomenet sociologjike dhe psikologjike të vizitorëve/ turistëve për të kuptuar motivet dhe pritjet e tyre për një menaxhim profesional të atraksioneve turistike, muzeve, ekspozitave, ekskursioneve etj.;
• jenë ndërmarrës të suksesshëm përmes planifikimit dhe zhvillimit të shërbimeve turistike inovative;
• zhvillojnë format elektronike të komunikimit për promovim të biznesit, sikurse eTurizmi, rrjetet sociale etj.;
• identifikojnë potencialet turistike kombëtare dhe ndërkombëtare (si p.sh. turizmi rural, kulturor, etj.);
• menaxhojnë projekte dhe ngjarje të ndryshme turistike; dhe

menaxhojnë cilësinë e shërbimeve të klientëve në projekte të ndryshme turistike

Metodologjia e mësimëdhënies:

Metodologjia e mësimdhënies thekson një ekuilibër midis teorisë akademike dhe praktikës profesionale, duke përfshirë ligjërata, raste studimi, punë në projekte, punëtori dhe aktivitete të orientuara në kërkim. Që në fillim të çdo lënde, studentët pajisen me informacion të detajuar mbi përmbajtjen e lëndës, rezultatet e të nxënit, metodat e mësimdhënies dhe vlerësimit, si dhe rolet dhe përgjegjësitë e pedagogëve dhe studentëve.

Studentët inkurajohen të marrin pjesë në mënyrë aktive në procesin e të nxënit përmes diskutimeve interaktive, punës bashkëpunuese dhe reflektimit kritik. Kërkimi i pavarur dhe zhvillimi i aftësive analitike dhe zgjidhjes së problemeve janë elemente thelbësore të kurrikulës, duke i përgatitur të diplomuarit për role udhëheqëse në industrinë e turizmit dhe mikpritjes, si dhe në mjedise të orientuara drejt inovacionit.

Metodat e vlerësimit: Është e përshkruar në Doracakun e Studentit dhe, më specifikisht, në syllabusin e lëndës. Poashtu, bazuar në nenin 12 dhe 13 të rregullorës për studimet themelore (Bachelor) për përcaktimin e suksesit akademik aplikohen këto metoda:

1. Provimi
2. Kolokviumi
3. Punimi seminarik
4. Praktika profesionale
5. Testi praktik gjatë ushtrimeve

Zbatohen këto nota për përshkrim të suksesit në provime:

• 91-100 pikë:  10 ‘ A’ (shkëlqyeshëm)
• 81-90 pikë:  9  ‘B’ (shumë mirë)
• 71-80 pikë:  8  ‘C’ (mirë)
• 61-70 pikë:  7  ‘D’ (kënaqshëm)
• 51-60 pikë:  6  ‘E’ (mjaftueshëm)
• 0-50 pikë: 5   ‘FX/F’ (dobët)

 Mundësi punësimi në të ardhmen

Me njohuritë e fituara në këtë program, studentët do të mund të punojnë në:

• Institucione shtetërore (nivel qendror dhe lokal);
• Agjencione të udhëtimit dhe turistike;
• Kompani të ndryshme publike dhe private;
• Arsim;
• Zhvillues/menaxher i produktit turistik
• Menaxher i projekteve
• Vetëpunësuar dhe sipërmarrës.

Kohëzgjatja e Studimeve: 2 vite, katër semestra

 Kreditë e fituara: 120 ECTS

Kualifikimet e dhëna: Titulli që fiton studenti: Master i Shkencave (MSc) në Menaxhimin dhe Inovacionin në Turizëm. (Niveli 7 i Kornizës Kombëtare të Kualifikimeve të Kosovës)

 Normat e kalueshmërisë se programit

UShAF është e angazhuar të ofrojë të dhëna objektive dhe të besueshme mbi normat e kalueshmërisë dhe normat e braktisjes.

Çdo semestër analizohet shkalla e kalueshmërisë për secilën lëndë, përmes raporteve të gjeneruara nga sistemi i menaxhimit të të dhënave të UShAF. Kjo analizë mundëson marrjen e masave dhe ofrimin e mbështetjes së nevojshme për të siguruar rezultate sa më të mira akademike.

Progresi dhe shkalla e përfundimit të studimeve në programin MSc në Menaxhment dhe Inovacion në Turizëm monitorohen rregullisht si pjesë e kornizës së sigurimit të brendshëm të cilësisë. Ky monitorim bazohet në analizën e normave të kalueshmërisë, të cilat shqyrtohen çdo semestër për të vlerësuar performancën akademike dhe për të identifikuar trendet potenciale. Në rastet kur disa lëndë shfaqin normë më të ulët kalimi, fakulteti i rishikon ato module për të vlerësuar nevojën për përmirësime në kurrikulë, mbështetje pedagogjike apo ofrim të burimeve shtesë.

Qasja proaktive e Fakultetit është në përputhje me praktikat bashkëkohore të arsimit të lartë, ku analiza e rregullt e progresit akademik mundëson ndërhyrje në kohë dhe mbështetje të përshtatur për studentët. Për shembull, të dhënat mbi kalueshmërinë mund të nxisin organizimin e seminareve shtesë, tutorimit nga studentët e avancuar ose këshillimeve individuale. Në rastet kur identifikohen sfida më të gjera, konsiderohen edhe ndryshime në kurrikulë, për të garantuar që programi të mbetet i qasshëm, mbështetës dhe njëkohësisht në përputhje me standardet e larta akademike.

 Shërbimet dhe lehtësitë e disponueshme:

1. Laboratorët:

Fakulteti i Menaxhmentit shfrytezon dy kabinetet e informatikës të paisura me kompjutere, posedon licenca për përdorimin e softuerëve ose përdor versionin shkollorë me licencë falas për qëllime akademike dhe secila klase e mesimit eshte e paisur me Smart Table te gjenerats se fundit.

2. Bibliotekën dhe hapësirat për student

Biblioteka e Universitetit ka 1433 lloje të ndryshme të botimeve, disa me më shumë se një ekzemplarë, ka 8 ulëse leximi për studentë si dhe ka hapësirën 48,36m². Gjithashtu ka edhe sallën e leximit me 40 ulëse. Studentët kanë gjithashtu qasje në bibliotekat elektronike, përmes linkut zyrtar të UShAF-it: https://ushaf.net  → Studentët → e-Biblioteka

3. Sistemet elektronike

Për menaxhimin e të dhënave të studentëve, UShAF përdor Sistemin për Menaxhimin e Informatave të Studentëve (SIMS) në linkun: sims.ushaf.net.  Për sistemin e e-maileve institucionale, përdoret platforma Outlook në: outlook.ushaf.net.  Për mësimin online, studentët përdorin platformën Microsoft Teams, ndërsa për punë akademike dhe qasje në aplikacionet institucionale, ata kanë qasje në Office 365, me të gjitha shërbimet dhe platformat e përfshira.

4. Lehtësitë për studentët me aftësi të kufizuara

Universiteti ka qasje për persona me aftësi të kufizuara, dhe ka instaluar edhe ashensorin për qasje për persona me nevoja të veçanta në të gjitha katet e objektit.

5. Rregulloret për studentë

Fakulteti i Arkitektures, Dizajnit dhe Teknologjise se Drurit sherbehet me rregulloren e me poshtme, si dhe doracakun e studentit:

• Doracaku i studentit
• Rregullore për Studimet Master
• Rregullorja e Kodit Etik
• Rregullore për Praktikën Studentore
• Rregullore për Transfer të Studentëve
• Rregullore për Zgjedhjet Studentore në UShAF
• Rregullore mbi punën e Parlamentit të Studentëne në UShAF
• Rregullore tjera

6. Qendrën e karrierës

Qendra e Karrierës në Universitetin e Shkencave të Aplikuara në Ferizaj ka këto funksione kryesore:

• Ndihmon studentët në orientimin profesional (zgjedhja e drejtimit të karrierës, këshillime individuale)
• Organizon punëtori dhe trajnime si shkrimi i CV-së, përgatitja për intervistë, aftësi të buta (soft skills)
• Ndërmjetëson praktika profesionale duke bashkëpunuar me kompani lokale, kombëtare dhe ndërkombëtare
• Organizon Panaire të Punës dhe Karrierës ku studentët lidhen drejtpërdrejt me punëdhënësit
• Promovon mundësi punësimi dhe praktike përmes njoftimeve zyrtare të universitetit

Mbështet alumnit (të diplomuarit)në gjetjen e punës dhe zhvillimin e mëtejmë profesional

7. Bursat e ofruara për student dhe tarifat e studimit:

Bursat për studentë ndahen për çdo vit akademik, bazuar në rregulloren e Këshillit Drejtues për ndarjen e mjeteve financiare nga kategoria: Subvencione dhe transfere. Lartësia e  mjeteve financiare për ndarjen e bursave caktohet me vendim të veçantë nga Këshilli Drejtues për çdo vit fiskal.

Tarifat e studimit për studentë përcaktohen me Udhëzim Administrativ të veçantë të Ministrisë së Arsimit dhe UShAF zbaton tarifat e përcaktuara sipas  Udhëzimit Administrativ të Ministrisë së Arsimit.

8. Dita e dyerve të hapura

Në kuadër të aktivitetit “Open Doors”, universiteti hap dyert për të pritur maturantët e Kosovës, për t’i informuar ata rreth kushteve që ofron universiteti, rreth programeve e laboratoreve, si dhe hapësirave të tjera të cilat kontribuojnë në përvetësimin e shkathtësive profesionale. https://ushaf.net/ushaf-fillon-aktivitetin-open-doors/

9. Materiale informuese

• Linku për broshura