Menaxhimi i Biznesit dhe Ndërmarrësia – Baçelor

Menaxhimi i Biznesit dhe Ndërmarrësia – Bachelor

Programi trevjeçar “Menaxhimi i Biznesit dhe Ndërmarrësia” në kuadër të Fakultetit te Menaxhmentit në Universitetin e Shkencave të Aplikuara ne Ferizaj, do t’u ofrojë studentëve njohuri bashkëkohore teorike dhe praktike në fushën e biznesit dhe të menduarit ndërmarrës, ne inovacione, ne planifikim të aktiviteteve biznesore, njohuri për komunikimin në biznes, dhe njohuri, aftësi dhe shkathtësi tjera të ndërlidhura me Menaxhimin e Biznesit dhe Ndërmarrësisë. Programi ofron një qasje të re të të mësuarit në mënyrë individuale dhe në grupe, për zgjidhjen e problemeve teorike dhe praktike, duke gjetur dhe aplikuar metoda adekuate të hulumtimit. Studentët gjithashtu planifikojnë, iniciojnë dhe ekzekutojnë projekte të ndryshme në fushën e menaxhimit.

Qëllimi

Zhvillimet ekonomike ne nivelin kombëtar dhe ndërkombëtar kane determinuar nevojën për te studiuar fushën për Menaxhim te biznesit dhe zhvillimin e Ndërmarrësisë, me studimin e kësaj fushe studentet përfitojnë njohuri te cilat kane karakter ndërkombëtar. Qëllimi i këtij programi është të zhvillojë kuadro të specializuara të profesionistëve në fushën e menaxhimit te biznesit dhe krijimin e një fryme të të menduarit për ndërmarrësin, të cilat kuadro në të ardhmen do të ndihmojnë në strukturën dhe organizimin e bizneseve në vend dhe jo vetëm, dhe në këtë mënyrë në vazhdimësi ndikojnë edhe në zhvillimin ekonomik të vendit tonë dhe me gjerë.

Objektivat e përgjithshme

Objektivi i programit të studimit Baçellor “Menaxhimi i Biznesit dhe Ndërmarrësia” është t’u ofrojë studentëve njohuri të duhura në fushën e menaxhimit të biznesit dhe ndërmarrësisë:

• Zhvillimi i menaxherëve të suksesshëm të biznesit të cilët aplikojnë metodat bashkëkohore të menaxhimit në adresimin e ndryshimeve të vazhdueshme të ambientit biznesor në funksion të përmirësimit të pozicionit konkurrues të ndërmarrjes.
• Zhvillimi në ndërmarrës të suksesshëm të cilët janë në gjendje të identifikojnë potencialet zhvillimore të tyre në një ndërmarrësi të suksesshme dhe të qëndrueshme.

Në një mjedis ekonomik shumë konkurrues dhe që ndryshon vazhdimisht, programi – përmes lëndëve që ligjërohen dhe praktikës që aplikohet – ofron mësimin teorik dhe praktik për zhvillimin e njohurive, kompetencave dhe shkathtësive specifike, përmes të cilave studentët do të jenë në gjendje të:

• Ndërton njohuri gjithëpërfshirëse për menaxhimin e biznesit dhe ndërmarrësin, duke përfshi fazat e menaxhimit, kuptimin e ndërmarrësisë, duke zhvilluar aftësi te menduarit kritik  ne sferën e menaxhimit, mjedisit biznesor e inovacionit;
• Zhvillon aftësi efektive në komunikimin me shkrim dhe me gojë duke përdorur metodat dhe teknologjitë e duhura profesionale dhe shkencore;
• Demonstron njohuri themelore në analizat numerike dhe financiare për një menaxhim me metoda te avancuara te biznesit bazuar ne shkence dhe inovacion;
• Njeh menaxhimin e burimeve te biznesit – humane, financiare, logjistike, për ti avancuar ndryshimet pozitive ne ambientin biznesor;
• Përdor mjetet e duhura strategjike në procesin e vendimmarrjes për të zgjidhur probleme komplekse në mënyrë profesionale me metoda analitike/inovative;
• Kupton rendësin e menaxhimit te biznesit ne mënyrë etike, rritjen e cilësisë se punës me metoda moderne menaxheriale dhe rritjen e përgjegjësisë qytetare ndaj komunitetit, rrethit ku punon si dhe ruajtjen e ambientit,
• Ndërton aftësi/shkathtësi dhe kompetenca profesionale – përmes aplikimit te rasteve studimore (hulumtimeve) praktike te bizneset,
• Kombinon teorinë mësimore me praktiken qe i mundëson për te udhëhequr një karrierë profesionale dhe jete produktive;
• Identifikon çështjet etike, mjedisore dhe legjislative gjate procesit te vendimmarrjes në biznes dhe zhvillimin e ndërmarrësisë;
• Aplikon njohurit, aftësitë dhe kompetencat nga fusha e menaxhimit te biznesit dhe ndërmarrësisë ne punën ekipore ne kompani, si dhe ndikon ne ndryshimet cilësore/pozitive te ambientit biznesore.

Mundësi punësimi në të ardhmen

Pas përfundimit të studimeve të tyre, të diplomuarit do të jenë në gjendje të punojnë në institucionet publike dhe private, qe mund të jenë:

• Në agjenci të ndryshme qeveritare në përcjellje të zhvillimit te Ndërmarrësisë dhe Biznesit;
• Në kuadër të Ministrive të ndryshme;
• Në ndërmarrje publike;
• Menaxher të sistemeve në organizatë;
• Konsulent të operacioneve;
• Menaxher në organizatë;
• Zhvillues/menaxher produkti;
• Menaxheri i përgjithshëm në organizata të ndryshme;
• Vetëpunësuar dhe sipërmarrës;
• Menaxher i Projektit;