I/e nderuar, Universiteti i Shkencave të Aplikuara në Ferizaj (UShAF) organizon ekspozitën tradicionale të punimeve dhe projekteve të studentëve “Profesionistët e së Ardhmes 2026”, e cila do të mbahet më 18 maj 2026, duke filluar nga ora 10:00, në ambientet e universitetit.

Lajmërim

Në Universitetin e Shkencave të Aplikuara në Ferizaj (UShAF), sot, më 21 prill 2026, u mbajt një ligjëratë e organizuar në bashkëpunim me Doganat e Kosovës (Sektori për Pronësi Intelektuale), Zyrën për të Drejtat e Autorit dhe të Drejtat e Përafërta dhe Agjencinë për Pronësi Industriale.

Studentët e Fakultetit të Turizmit patën një përvojë të jashtëzakonshme në kuadër të Panairit Ndërkombëtar të Turizmit “Kosova 2026”, ku, përveç pjesëmarrjes si vizitorë, ata luajtën një rol aktiv dhe të rëndësishëm në mbarëvajtjen e këtij eventi ndërkombëtar.

Lajmërohen studentët, stafi akademik dhe administrativ i UShAF, se sipas Kalendarit të Festave Zyrtare në Republikën e Kosovës, për nderë të Ditës Ndërkombëtare të Punës, me datën 01.05.2026 (e Premte) do të jetë ditë pushimi.

Universiteti i Shkencave të Aplikuara në Ferizaj (UShAF), me datën 22.04.2026 publikon Buletinin numër 1, lidhur me zgjedhjen e personelit akademik të rregullt: mësimdhënës  dhe ligjërues, sipas konkursit publik, nr.prot. 319/26, Datë: 25.02.2026.

Studentët e Universitetit të Shkencave të Aplikuara në Ferizaj (UShAF), përkatësisht të Fakultetit të Inxhinierisë dhe Informatikës, të shoqëruar nga profesorët, realizuan një vizitë studimore në Fakultetin e Informatikës në Universitetin e Durrësit dhe në Fakultetin e Shkencave të Natyrës në Universitetin e Tiranës.

Bashkëpunimi ndërinstitucional ndërmjet Universitetit të Shkencave të Aplikuara në Ferizaj (UShAF) dhe Komunës së Ferizajt vazhdon të zhvillohet përmes aktiviteteve të përbashkëta, në kuadër të të cilave u realizua një vizitë pune në Komunën e Ferizajt, e fokusuar në menaxhimin e projekteve arkitektonike, ku u përfshinë në mënyrë aktive edhe studentët e universitetit.

Në kuadër të mbështetjes nga Konrad Adenauer Stiftung dhe Democracy Plus në UShAF, në Fakultetin e Arkitekturës, Dizajnit dhe Teknologjisë së Drurit u mbajt sesion informues mbi qëndrueshmërinë mjedisore.

Studentët e Universitetit të Shkencave të Aplikuara në Ferizaj (UShAF), përkatësisht nga Fakulteti i Arkitekturës, Dizajnit dhe Teknologjisë së Drurit, si dhe Fakulteti i Menaxhmentit, realizuan një vizitë praktike në Panairin e Mobilieve “ALBEXPO 2026”, i mbajtur në Tiranë.