Fillon sistemimi i studentëve të Turizmit dhe Ambientit për realizim të punës praktike

Studentët e Fakultetit të Turizmit dhe Ambientit të Universitetit të Shkencave të Aplikuara në Ferizaj (UShAF), sot filluan të stistemohen nëpër Ndërmarrjet Hoteliere dhe Turistike në rajonin e Ferizajt dhe të Prishtinës.

Studentët nëpër këto Ndërmarrje do të realizojnë punën praktike, e cila është e paraparë me plan-programet e Fakultetit, ku studentët do të aftësohen në profesionin e tyre në aspektin praktik–profesional.

Gjatë kësaj periudhe, studentët do të jenë nën përcjelljen e profesorëve të tyre të lëmisë përkatëse, me ç’rast do të mbikëqyret dhe vlerësohet puna e tyre.

Me këtë rast, Rektori i UShAF, Prof. Dr. Agron Bajraktari, uron të gjithë studentët e këtij Fakulteti, duke u dëshiruar suksese në aftësimin e tyre profesional.