U shënua Dita Ndërkombëtare e Sporteve Universitare

Pa Komente

Për herë të parë në Kosovë, Federata e Sporteve Universitare e Kosovës (FSUK), e mbështetur nga Komiteti Olimpik i Kosovës, ka shënuar 20 shtatorin – Ditën Ndërkombëtare të Sporteve Universitare.

Me këtë rast, në Sallën e Sporteve “1 Tetori” në Prishtinë, u organizua një ceremoni për shënimin e kësaj dite, ku morën pjesë përfaqësues nga Qeveria e Kosovës, Ministria e Kulturës, Komiteti Olimpik dhe Federata e Sporteve Universitare të Shqipërisë.

Në këtë ceremoni u theksua fakti se FSUK u formua në mars të këtij viti, ndërsa në gusht u pranua në Federatën Ndërkombëtare të Sporteve Universitare (FISU). Po ashtu, u kërkua mbështetje nga Qeveria, në mënyrë që rinia studentore të vetëdijësohet dhe të merret edhe me sport.

Universiteti i Shkencave të Aplikuara në Ferizaj (UShAF) është anëtar i FSUK, ndërsa rektori i këtij Universiteti, z. Agron Bajraktari është edhe nënkryetar i kësaj Federate të përbërë nga institucionet e arsimit të lartë publik dhe privat të Kosovës.

This post is also available in: English

Lini një Përgjigje

This site uses Akismet to reduce spam. Learn how your comment data is processed.