Studentët e UShAF, realizuan punën praktike në Fabrikën “Enrad” në Gjilan

Studenët e Fakultetit të Inxhinierisë Industriale me Informatikë, të shoqëruar nga profesorët, Ismet Malsiu dhe Fatmir Çerkini realizuan mësimin praktik njëditorë në kompaninë ‘’Enrad’’, në Gjilan, me të cilën UShAF ka të lidhur Marrëveshje Bashkëpunimi.

Gjatë kësaj vizite, studentët u njoftuan për së afërmi me prodhimin e radiatorëve panel dhe gypor, si dhe me repartin për prodhimin e kaldajave, ku studentët përfituan njohuri për proceset tekniko-teknologjike dhe të arriturat shkencore në këtë lëmi.

Produktet e kompanisë ‘’Enrad’’, janë të certifikuara sipas standardeve evropiane dhe të njohura për cilësi në Kosovë dhe rajonin e Ballkanit.