Studentët e të Inxhinierisë Industriale me Informatikë në punë praktike në Fabrikën ‘’IMK’’ në Ferizaj

Studenët e Fakultetit të Inxhinierisë Industriale me Informatikë, së bashku me dekanin Fatmir Çerkini realizuan mësimin praktik në Fabrikën për prodhimin e tubave dhe profileve të çelikta me saldim ‘’IMK’’, në Ferizaj.

Gjatë kësaj vizite, studentët u njoftuan me procesin e prodhimit të tubave të çelikut me saldim spiral, gjithashtu patën rastin të vizitojnë edhe repartin e ri modern të konstruksioneve metalike dhe profileve të salduara, ku u njoftuan për së afërmi me linjat e prodhimit dhe proceseve më të reja teknologjike të kësaj Fabrike.

Fabrika ‘’IMK’’, në Ferizaj është e specializuar në prodhiminb e tubave me tegel dhe e pajisur me teknologjinë më bashkëkohore, po ashtu është njëra ndër prodhuesit kryesorë të tubave në rajon me prodhimin e tubave të çelikut me tegel, në harmoni të plotë me standardet internacionale për prodhim dhe kontrollë.