Studentë e UShAF në Panairin Shtëpiak Profesional “PRO EXPO

Studentët e Universitetit të Shkencave të Aplikuara në Ferizaj (UShAF), të shoqëruar nga profesori i tyre Florit Hoxha, morën pjesë në Panairin Shtëpiak “PRO EXPO’’ në Prishtinë.

Studentët në këtë panair patën mundësinë që të njohin më të rejat e tregut të punës, si dhe të shohin për së afërmi produktet e kompanive me renome botërore, si: Blum, Inoxa, Herz, Franke, Flex, etj.

Për Kompanitë ekspozuese dhe produktet e tyre në këtë panair, studentët patën prezantim nga pronarja e kompanisë PROKUALITET, znj. Vjollca Krasniqi dhe menaxherja e kompanisë, znj. Besmira Avdiu.

Panairi “PRO EXPO” është i pari i këtij lloji në Kosovë, i organizuar nga kompania PROKUALITET dhe ka për qëllim bashkimin e të gjithë menaxherëve të Fabrikave evropiane ekspozuese dhe krijimin e mundësisë së bashkëpunimit në mes të prodhuesëve vendor dhe atyre të huaj.