Rektori i USHAF, Agron Bajraktari uron të gjithë shqiptarët për Festën e 28 Nëntorit

Pa Komente

Çdokush që i kthehet historisë së Nëntorit, këtij muaji të shenjtë për shqiptarët, e sheh se historia jonë është e mbushur me shembuj të shkëlqyeshëm të atdhedashurisë.

28 Nëntori na sjellë frymën e Shpalljes së Pavarësisë së Shqipërisë në Vlorë, daljen në skenë të Ushtrisë Çlirimtare të Kosovës dhe Ditëlindjen e Komandantit Adem Jashari.

Pra, data 28 Nëntor është ditë që na i kujton heronjtë, betejat e lavdishme ndër shekuj, dashurinë për tokën tonë, përpjekjet e mëdha për lirinë, krenarinë e fisnikërinë shqiptare…Na e kujton se kombi, gjuha e flamuri janë vet ekzistenca jonë!

Në këtë ditë, ju uroj me fjalët e të madhit Ismail Qemaili: “Ja, pra, ky është Flamuri Ynë i kuq e me shqiponjën dykrenare të zezë në mest. Dhe tani, të gjithë bashkë, si një trup i tërë dhe i pandarë, le të punojmë për t’a mburuar, për t’a përparuar e për t’a qytetëruar si i ka hije Atdhenë t’onë të Lirë”.

Urime 28 Nëntori!

Me respekt,
Agron Bajraktari, rektor i Universitetit të Shkencave të Aplikuara në Ferizaj

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.