Mbyllja e Universitetit të Shkencave të Aplikuara në Ferizaj bëhet lajm ndërkombëtar
Tentimi për mbylljen e Universitetit të Shkencave të Aplikuara në Ferizaj (USHAF) ka tejkaluar kufijtë e Kosovës, duke u bërë pjesë e raportimeve të mediave ndërkombëtare, përfshirë disa media në Itali.
Interesimi i mediave italiane për këtë zhvillim dëshmon se çështja nuk perceptohet vetëm si një vendim me ndikim lokal, por si një ngjarje që prek arsimin e lartë, zhvillimin akademik dhe bashkëpunimin ndërkombëtar. USHAF njihet si universiteti i vetëm publik në Kosovë i profilizuar në shkencat e aplikuara, me orientim të veçantë drejt lidhjes së arsimit me industrinë dhe tregun e punës.
Pasqyrimi i kësaj ngjarjeje në mediat italiane e vendos çështjen e USHAF në fokusin e opinionit ndërkombëtar dhe nënvizon rëndësinë që kanë vendimet për institucionet e arsimit të lartë në imazhin dhe zhvillimin akademik të Kosovës.
Jehona ndërkombëtare e këtij rasti dëshmon se zhvillimet që prekin institucionet publike të arsimit nuk mbeten vetëm çështje të brendshme, por ndiqen me vëmendje edhe nga partnerët dhe opinioni akademik jashtë vendit.
https://cn24tv.it/news/universita-di-ferizaj-a-rischio-chiusura-la-vicinanza-di-fili-meridiani/
