Rektori Bajraktari vizitoi studentët gjatë punës praktike

Pa Komente

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, vizitoi studentët e vitit të dytë të Fakultetit të Arkitekturës, Dizajnit dhe Teknologjisë së Drurit gjatë punës praktike të tyre në Ndërmarrjen “Ahikos”.

Rektori Bajraktari i përgëzoi studentët për përkushtimin e tyre dhe mbajti një ligjëratë të shkurtër para tyre për rëndësinë e zbatimit të pjesës teorike në atë praktike. Ai tha se puna praktike i ndihmon ata që të bëhen të zotët në profesionin e tyre, ndërsa shtoi se tregu i punës po i pret.

Rektori porositi studentët që të punojnë shumë, sepse e ardhmja në një qytet dhe shtet të zhvilluar, varet pikërisht nga puna që bëjnë ata sot dhe gjatë tërë studimeve të tyre.

Gjithashtu, me këtë rast, studentët u njoftuan me më të rejat e industrisë së mobileve në Ndërmarrjen “Ahikos”.

 

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.