Profesori i Matematikës nga Shqipëria Bardhyl Selimi mbajti ligjëratë para studentëve të UShAF

Në Universitetin e Shkencave të Aplikuara në Ferizaj (UShAF), u mbajt ligjëratë me temën ‘’Aparati matematik në problemet zbavitëse’’, nga Profesori Bardhyl Selimi nga Shqipëria, i njohur ndryshe si Bardhyl Gllavica, i biri i patriotit dhe atdhetarit të shquar të çështjes shqipëtare, Adem Gllavica nga komuna e Lipjanit.

Rektori i UShAF, Prof. Dr Agron Bajraktari e priti në takim profesorin Selimi, të cilin e falënderoi për gjetjen e kohës për të mbajtur një ligjëratë mjaft atraktive dhe më e veçant nga ato të deritanishmet. Njëherit të pranishmit i njoftoj për këtë personalitet të rëndësishëm, i cili rrjedh nga një familje atdhedashëse, e cila dha kontribut të madh në çështjen kombëtare.

Profesori Selimi, falënderoj rektorin dhe stafin e UShAF për mikëpritjen dhe në fillim bëri një prezantim të shkurtër për familjen e tij, e cila sipas tij ka kaluar nëpër sfida të ndryshme të jetës.

Para studentëve, profesori Selimi po ashtu mbajti një ligjëratë rreth problemeve matematikore logjike-zbavitëse, të cilat zgjojnë kurreshtje tek rinjtë gjatë zgjidhjes së tyre.