Konferencë e përbashkët e UShAF dhe Universitetit Bujqësorë të Tiranës

Pa Komente

Në Universitetin Bujqësorë të Tiranës u mbajt Konferenca e VI-të studentore me temë “Nxitja e zhvillimit të bujqësisë përmes përdorimit më të mirë të resurseve bujqësore – këndvështrime studentësh”, në të cilën morën pjesë 118 studentë nga 6 Universitete dhe numëronte 41 punime të ndryshme.

Studentët e UShAF në Konferencë demonstruan njohuritë e fituara gjatë studimeve duke e prezantuar në mënyrë të denjë institucionin tonë, me temat: “Ndikimi i motivimit në performancën e punëtorëve”, “Ndikimi i elementeve të marketingut në tregëtimin e produkteve të drurit në rajonin e Ferizajt”, “Shqyrtimi i aspekteve ergonometrike te mobilet për fëmijë në kopshtet e rajonit të Ferizajt” dhe “Faktorët që ndikojnë në projektimin e proceseve të prodhimit në ndërmarrjet prodhuese në rajonin e Ferizajt”.

Dekani i fakultetit të Arkitekturës, Dizajnit dhe Teknologjisë së Drurit, z. Rrahim Sejdiu shoqëroi studentët dhe u shpreh mjaft i kënaqur me suksesin e arritur gjatë prezantimeve në këtë Konferencë dhe të njejtit i falënderoi për përkushtimin e treguar.

Konferenca u organizua nga UShAF dhe Universiteti Bujqësorë i Tiranë si rezultat i nënshkrimit të marrëveshjes ditë më parë nga rektori i UShAF, Prof. Dr. Agron Bajraktari dhe rektori i Universitetit Bujqësorë të Tiranës, Prof. Dr. Bari Musabelliu dhe kishte për qëllim të nxit studentët që të përfshihen në fushën e kërkimit duke vënë në zbatim njohuritë e fituara gjatë studimeve.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.