Studentët e UShAF realizuan vizitë studimore në qytetin e Shkupit

Studentët e vitit të dytë të Fakultetit të Arkitekturës, Dizajnit dhe Teknologjisë së Drurit, realizuan një vizitë studimore në qytetin e Shkupit, me ç’rast vizituan Panairin e Makinave CNC të organizuar nga Yugoimpex.

Në Panair, studentët patën rastin që të njoftohen me të arriturat më të reja të teknologjisë së makinave CNC, të cilat i ofrojnë kompanitë e ndryshme evropiane, si dhe u njoftuan nga mësimdhënësit e këtij Fakuklteti, Prof. Muhamet Ymeri dhe Prof. Bujar Jashari, për të rejat dhe zhvillimet e fundit të këtyre makinave.

Gjatë kësaj vizite studimore, studentët vizituan edhe qendrën e këtij qyteti, me ç’rast ndëgjuan një ligjëratë nga mësimdhënësja e tyre, Prof. Lejla Ibrahimi, e cila u foli për materialet në dizajn dhe arkitekturë. Ligjërata u zhvillua tek “Ura e Gurit”, e cila është simbol i qytetit të Shkupit dhe gjithashtu e lidh qytetin e vjetër me sheshin. Sheshi ka një arkitekturë të re dhe shumë skulptura të ndryshme.