Studentët e UShAF zbukurojnë hapësirat e Universitetit

Studentët e Universitetit të Shkencave të Aplikuara në Ferizaj (UShAF), bashkë më profesorin Bashkim Thaçi, kanë ndërmarrë sot një aksion për zbukurimin e ambientit të jashtëm të Universitetit, për të shënuar kështu edhe fillimin e stinës.

Studentët kanë mbjellë pisha dhe bimë të tjera dekoruese të stinës në hapësirat e Universitetit, duke dhënë kështu edhe mesazhin se të gjithë duhet të kujdesemi për hapësirat dhe institucionet publike, aty ku e kalojmë një kohë të gjatë të ditës.

Po ashtu, ky aktivitet jep edhe një mesazh se gjelbërimi i hapësirave publike i kntribuon ruajtjes së ambientit dhe mbrojtjes së shëndetit publik.