Prezantim nga përfaqësuesit e “SUPER VIVA” në UShAF

Pa Komente

Universitetin e Shkencave të Aplikuara në Ferizaj (UShAF), sot e vizituan përfaqësuesit e kompanisë SUPER VIVA, znj. Elita Gota Gojani – menaxhere e burimeve njerëzore, znj. Besarta Ahmetaj – asistente për burime njerëzore dhe z. Eroll Bytyçi – menaxher rajonal, të cilët u pritën nga menaxhmenti i lartë i UShAF.

Prorektori për buxhet, financa dhe infrastrukturë, z. Afrim Loku, falënderoi përfaqësuesit e Kompanisë për bashkëpunimin dhe për mundësinë që po ua ofrojnë studentëve, të cilët sipas tij do të pëprfitojnë jo vetëm të mira materiale, por edhe do të kenë mundësinë që të profesionalizohen në drejtimet e tyre, e sidomos me kryerjen e punës praktike.

Znj. Elita Gota Gojani, para studentëve prezantoi programin për funksionimin e Kompanisë, e cila është me një industri në rritje e sipër dhe me mundësi të mëdha të punësimit të kuadrove të reja, në këtë rast për studentët e UShAF. Sipas saj Kompania mund të punësoj studentë për kohë sezonale, e që reflekton në mirëqenien e tyre shoqërore, si dhe ngritje në karrierë. Ndër të tjera u dhanë udhëzimet për mënyrat e aplikimit, si dhe të gjitha benefitet të cilat mund t’i përfitojnë studentët e UShAF nga Kompania.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.