PËRFUNDOI ME SUKSES SHKOLLA DIMËRORE (WINTER SCHOOL) 2026 NË UShAF!

Arkitektura, tradita dhe inovacioni u bashkuan në një përvojë të veçantë akademike dhe ndërkombëtare në Universitetin e Shkencave të Aplikuara në Ferizaj (UShAF).

Përgjatë ditëve të Shkollës Dimërore 2026, studentë dhe profesorë nga tri institucione të arsimit të lartë: UShAF 🇽🇰, Salzburg University of Applied Sciences (SUAS-FHS) 🇦🇹 dhe Technical University of Munich (TUM) 🇩🇪, shkëmbyen njohuri, ide dhe përvoja përmes ligjëratave, analizave, krahasimeve, diskutimeve dhe punës së përbashkët.

Një pjesë e rëndësishme e programit ishin vizitat studimore në Pejë dhe Prishtinë, ku pjesëmarrësit patën mundësi të njihen nga afër me objekte të vjetra me vlera kulturore dhe historike, të analizojnë karakteristikat e arkitekturës tradicionale dhe bashkëkohore, si dhe të reflektojnë mbi zhvillimin urban dhe perspektivat e arkitekturës së qëndrueshme.

Përmes këtyre aktiviteteve, studentët ndërlidhën njohuritë teorike me përvojat praktike, duke shkëmbyer perspektiva mbi ruajtjen e trashëgimisë arkitekturore, zhvillimin urban dhe të ardhmen e banimit.

Në përmbyllje të aktivitetit, studentët pjesëmarrës u pajisën me certifikata për pjesëmarrje, ndërsa aktiviteti u përmbyll me fjalën përshëndetëse të Rektorit të UShAF, Prof. Dr. Agron Bajraktari, i cili vlerësoi rëndësinë e bashkëpunimit ndërkombëtar dhe përvojave të tilla akademike.

Kjo Shkollë Dimërore shënon një tjetër hap të rëndësishëm në forcimin e bashkëpunimit ndërkombëtar, promovimin e shkëmbimit akademik dhe krijimin e lidhjeve të reja ndërmjet studentëve dhe stafit akademik.

Faleminderit të gjithë profesorëve, studentëve dhe partnerëve ndërkombëtarë që kontribuuan në realizimin e suksesshëm të këtij aktiviteti!

UShAF – Together for Knowledge, Innovation and a Sustainable Future!