Vizitë studimore e studentëve të UShAF në qytetin e Pejës

Pa Komente

Në kuadër të javës praktike studentët e fakultetit të Arkitekturës, Dizajnit dheTeknologjisë së Drurit, të udhëhequr nga profesorët e tyre, z. Rrahim Sejdiu dhe z. Kushtrim Cukaj, realizuan një vizitë ditore nëpër objekte me rëndësi kulturore dhe historike në komunën e Pejës.

Qëllimi i kësaj vizite ishte realizimi i mësimit praktik të studentëve në kuadër të lëndës “Historia e Arkitekturës së Interierit”.

Gjatë kësaj vizite studentët patën rastin të vizitojnë objekte prodhuese dhe të banimit me vlera të mëdha historike dhe kulturore. U vizitua Kompleksi “Haxhi Zeka”, ku studentët u njoftuan me historikun e Mullirit, si dhe konstruksionet e tij të drurit. Pastaj u vizitua “Qarshia e Pejës”, me ç’rast informacionet për këto objekte i dha drejtori i Zhvillimit ekonomik, z. Artan Gashi dhe drejtori i Shërbimeve publike, z. Ukë Selimi.

Po ashtu, u vizitua edhe Muzeu Etnologjik, ku studentët patën rastin të dëgjojnë ligjëratë nga drejtoresha, znj. Besa Berisha, e cila informoi për historinë e mobileve dhe interierin i cili është aplikuar në këtë rajon të Kosovës. Për vlerat arkeologjike studentët u noftuan nga arkeologu, z. Sefer Lajqi. Gjithashtu për rëndësinë e kullave nëpër dekada të ndryshme historike si dhe trashëgiminë kulturorte me studentë mbajti ligjëratë, z. Avdyl Hoxha – drejtor i Institutit Arkeologjik.

Studentët vizitën e përmbyllen në shijimin e bukurive natyrore të Drinit të Bardhë.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.