Studentët e UShAF në Panairin Ndërkombëtar të Turizmit Tirana 2019

Mbi 100 studentë të Fakultetit të Turizmit dhe Ambientit vizituan Panairin e 3-të Ndërkombëtar të Turizmit Tirana 2019, së bashku me profesorët e tyre: Mimoza Zhubi, Hysen Sogojeva, Aberta Tahiri dhe Idriz Kovaçi.

Gjatë kësaj vizite, studentët patën mundësi që të njihen me potencialet dhe resurset e ndryshme turistike të shumë vendeve të botës, të cilat janë pjesëmarrëse në këtë Panair. Gjithashtu, studentët patën mundësi të njihen me kompani të ndryshme turistike vendore dhe ndërkombëtare, si dhe ato hoteliere, e cila është një mundësi e mirë për bashkëpunim në aspektin profesional në të ardhmen.

Panairi u mbajt në ambientet e Expocity Albania dhe është një nga ngjarjet më të rëndësishme të turizmit rajonal, i cili ka për qëllim inkurajimin e bashkëpunimit dhe promovimit të destinacioneve turistike shqiptare dhe rajonale.