Rektori Bajraktari po merr pjesë në Konferencën e 13 – të Ndërkombëtare të Tharjes së Drurit në Stamboll – Turqi

Pa Komente

Rektori i Universitetit të  Shkencave të Aplikuara në Ferizaj (UShAF), Prof. Dr. Agron Bajraktari, po qëndron për vizitë zyrtare në Stamboll të Turqisë, ku po merr pjesë në Konferencën e 13 – të Ndërkombëtare të tharjes së drurit në vendet në zhvillim, organizuar nga IUFRO (Unioni ndërkombëtar i organizatave për hulumtime pyjore).

Pjesëmarrës në këtë Konferencë janë studiues të njohur të lëmisë së industrisë së drurit nga shumë vende të Botës,  ku po bëhet prezantimi i punimeve të lëmisë së tharjes së drurit, me fokus të veçant në: cilësinë e tharjes së drurit dhe veçorit e tij, metodat aplikative gjatë procesit të tharjes, fizika e tharjes dhe modelimit të drurit, metodat alternative të tharjes së drurit dhe proceset teknologjike gjatë tharjes.

Në Konferencë, Prof. Dr. Agron Bajraktari është anëtar i Komisionit Shkencor të Konferencës, si dhe i ftuar në cilësinë e ligjëruesit kryesor.

Rektori Bajraktari u prezantua me punimin: “Industria dhe tharja e drurit në vendet në zhvillim, rast studimor Kosova”, ku foli për industrinë e drurit para dhe pas luftës në Kosovë, resurset pyjore, eksportin dhe importin e produkteve të drurit.

Gjithashtu z. Bajraktari përmendi edhe arsimimin e të rinjve në UShAF, si i vetmi Institucion i Arsimit të Lartë i kësaj lëmie në Kosovë, si dhe afarizmin dhe kompanitë më të mira në Kosovë të cilat merren me industrinë e drurit me të cilat UShAF ka Marrëveshje Bashkëpunimi të ndërsjellë.

Gjatë kësaj kohe, rektori është takuar edhe me njohës të mëdhenj të fushës së industrisë së drurit, me ç’rast këmbeu përvojat dhe idetë për proceset e lartëpërmendura.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.