Rektori Bajraktari në vizitë zyrtare në SHBA

Rektori i Universitetit të Shkencave të Aplikuara në Ferizaj, Prof. Dr. Agron Bajraktari po qëndron në vizitë zyrtare në Shtetet e Bashkuara të Amerikës, si pjesë e një delegacioni nga Kosova të prirë nga ministri i Arsimit, Shkencës dhe Teknologjisë, z. Arsim Bajrami, pjesë e të cilit janë edhe rektorët tjerë të universiteteve publike të vendit.

Rektori Bajraktari, ministri Bajrami  dhe Rektorët  e Universiteteve Publike , gjatë kësaj vizite janë pjesëmarrës në  “Samitin për Kosovën” i cili është organizuar në Universitetin “James Madison “ dhe në disa universitete tjera si ai i Harrisonburg,Virgjinias etj., në të cilët po  mbahen punëtori lidhur me avancimin  e Sistemit Arsimor të Kosovës , ku prioritet po i jepet Arsimit të Lartë.

Rëndësi e posaçme në këto punëtori është duke iu kushtuar Strategjisë në përmirësimin e shërbimeve financiare dhe planifikimin strategjik, si dhe menaxhimit të buxheteve  nga ana e universiteteve.

Gjatë qëndrimit në SHBA, rektori Bajraktari dhe pjesëmarrësit e tjerë,  sipas agjendës po realizojnë një sërë takimesh edhe me përfaqësues të Bankës Botërore, të USAID-it të cilët me projekte të ndryshme po e ndihmojnë arsimin në Kosovë.