Në UShAF u mbajt punëtori me Ambasadoren e Lumturisë Maura Sweeney

Pa Komente

Në Universitetin e Shkencave të Aplikuara në Ferizaj (UShAF), u mbajt punëtori për Lidership me Ambasadoren e Lumturisë të emëruar nga UNESCO, znj. Maura Sweeney, e cila është organizuar nga Organizata “Leadership Development Association Albania in Kosovo”.

Fillimisht, ambasadorja Sweeney u prit nga prorektori për Buxhet, Financa dhe Infrastrukturë, Prof. Asoc. Dr. Afrim Loku, i cili falënderoi Ambasadorën që për herë të dytë po e viziton UShAF dhe se po ndanë me studentë eksperiencat e saj.

Gjatë punëtorisë, ambasadorja Sweeney shfaqi eksperiencat e saj rreth lidershipit dhe influencimit, ku kishte interaktivitet të madh mes saj dhe studentëve.

“Secili prej jush mund të jetë i veçantë në mënyrën e vet dhe mund të bëheni fuqia dhe përsosmëria e një shteti të ri që ka shumë për të dhënë. Besoni në veten tuaj dhe do të arrini idealet e larta. Bëhuni gur i artë dhe shtylla që të tjerët dëshirojnë të arrijnë”, tha Ambasadorja para studentëve.

Pjesë e punëtorisë ishin edhe Marie – Christine Egger, nënkrytare për Kulturë në komunën e Ambilly të Francës, si dhe deputetja e Kuvendit të Kosovës, znj. Mexhide Mjaku – Topalli.

Organizata “Leadership Development Association Albania in Kosovo” në krye me z. Lulzim Hasani, e falënderoi menaxhmentin e UShAF për mikpritjen dhe mundësinë që këtë punëtori ta mbajnë në Universitet.

 

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.