Ligjëratë për studentët e UShAF nga arkitekti Ilir Murseli

Studentët e vitit të dytë dhe të tretë të Fakultetit të Arkitekturës, Dizajnit dhe Teknologjisë së Drurit, patën rastin të ndëgjojnë një ligjëratë nga arkitekti i njohur kosovar, z. Ilir Murseli i cili prezantoj para studentëve punën e tij shumë vjeçare me projekte të mëdha në Kosovë dhe jashtë saj.

Gjatë kësaj ligjërate, studentët patën rastin të njoftohen me materialet që duhet aplikuar në interier dhe mobilje, formësimi i hapësirës, ndriçimi, përcaktimi i stilit në interier, procesi nga dizajnimi i projektit, deri tek implementimi i tij.

Rektori i UShAF, Prof. Dr. Agron Bajraktari e falënderoi arkitektin Murseli për ndarjen e përvojës së tij me studentë dhe tha se ligjërata të tilla janë shumë të dobishme për zgjerimin e njohurive për studentët e arkitekturës.

Ndërsa, Muhamet Ymeri profesor i këtij fakulteti tha se sjellja e arkitektit Murseli në Universitet kishte për qëllim që studentët në lëndën “Stilet në Interier dhe Dizajnimi i Hapësirave Komerciale” të fitojnë njohuri të reja me zhvillimet e fundit direkt nga byrotë projektuese arkitektonike.

Ilir Murseli është pronar i byros projektuese “Murseli Architects and Partners”, e bazuar në Prishtinë dhe me veprim internacional në fushën e dizajnit arkitektonik dhe ndërtimtarisë.