Studentët e UShAF vizituan Panairin Ndërkombëtar të Mobilerisë “Shqipëria 2019”

Studentët e Arkitekturës së Interierit dhe Dizajnit të Mobileve, vizituan Panairin Ndërkombëtar të Mobilerisë “Shqipëria 2019”, i cili është i 16–ti me radhë, i organizuar nga Albexpo Group.

Gjatë kësaj vizite, studentët patën rastin të njihen me prodhimet më të reja të aksesorëve të mobileve, menteshat, ngjyrat, llaqet dhe materialet e tjera në lëminë e industrisë së drurit.

Studentët, po ashtu përfituan njohuri të shumta, e posaçërisht me ato të trendeve të fundit, si dhe patën rastin të dëgjojnë ligjëratë nga Alphacam dhe Cabinet Vision.

Në Panair, studentët ishin të shoqëruar nga profesorët e tyre: Rrahim Sejdiu, Florit Hoxha, Bujar Jashari dhe Lulzim Idrizi.

Panairin Ndërkombëtar të Mobilerisë është tradicional, i cili organizohet çdo vit dhe ka për qëllim prezantimin e prodhimeve të drurit dhe dizajnit nga kompani vendore dhe të huaja.