Njoftim

Pa Komente

Lidhur me aplikimin e kandidatëve  për  pranim në Universitetin e Shkencave të Aplikuara në Ferizaj, në afatin plotësues të konkursit  për  vitin akademik 2018/2019.

Universiteti i Shkencave të Aplikuara në Ferizaj, sipas konkursit për afatin plotësues  të publikuar me 12.09.2017, për regjistrim të studentëve në vitin e parë të studimeve, për vitin akademik 2018-2019 do të pranoj si në vijim:

  1.  Fakulteti i Arkitekturës, Dizajnit dhe Teknologjisë së Drurit

Programi: Dizajni dhe Konstruksionet e Produkteve të Drurit – 36 studentë

  1. Fakulteti i Inxhinierisë me Informatikë

Programi: Inxhinieri Industriale me Informatikë – 24 studentë

Të drejtë aplikimi kanë të gjithë kandidatët të cilët kanë mbaruar shkollën e mesme.

Kandidatët që kanë mbaruar shkollimin e mesëm jashtë Kosovës, duhet të kenë të nostrifikuara dokumentet e nevojshme.

Paraqitja e dokumenteve zgjatë prej  12.09.2018 e deri më 19.09.2018.

Provimi pranues për ata kandidatë që nuk kanë përfunduar testin e maturës do të mbahet  me datën 20.09.2018 prej orës 9:00.

Shpallja e rezultateve preliminare do të bëhet me datën 24.09.2018.

Ankesat e kandidatëve të pa kënaqur bëhen me datën 25.09.2018 dhe 26.09.2018.

Rezultati përfundimtar me datën 27.09.2018.

Kandidatët e pranuar në të dy programet duhet t’a bëjnë regjistrimin me datën 28.09.2018 dhe 29.09.2018.

Të njejtit nëse për shkaqe të ndryshme nuk mund t’a bëjnë regjistrimin në këtë datë, kanë mundësi të regjistrohen me datën 02.10.2018. (Ata kandidatë që nuk regjistrohen në këto data, humbin të drejtën e studimeve dhe vendet e tyre do të plotësohen me kandidatët e ranguara në listë si të pa pranuar duke filluar nga numrat e parë të listës së kandidatëve jashtë pranimit).

Dokumentacioni i nevojshëm për aplikim:

  • Fletëaplikacioni (printohet nga webfaqja)
  • Diploma dhe dëftesat e shkollës së mesme të kryer
  • Çertifikata e lindjes
  • Vendimi mbi njohjen e shkollimit jashtë vendit për kandidatët që kanë kryer shkollën jashtë vendit.
  • Pagesën prej 2.5 euro, fletëpagesa (printohet nga webfaqja) ndërsa pagesa duhet të bëhet në bankë.
  • Kopjen e letërnjoftimit

Shtetasit e huaj që nuk e kanë mbaruar shkollimin e mesëm në gjuhën shqipe, përveç dokumenteve të lartëcekura, paraqesin edhe dëshminë mbi njohjen e gjuhës shqipe, si dhe duhet të kenë dokumente të nostrifikuara nga Ministria .

Vërejtje : Dokumentet duhet të jenë në origjinal, ose të noterizuara andaj kandidatët sipas nevojës duhet të fotokopjojnë dokumentet sepse dokumentet origjinale nga Universitet mund të tërhiqen vetëm në rast të diplomimit apo çregjistrimi.

Me rastin e hyrjes në provim pranues kandidatët pa tjetër duhet të kenë letërnjoftimin apo ndonjë dokument tjetër identifikues.

Kandidatët e papranuar mund t’i tërheqin dokumentet me datën 02.10.2018.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.