Rektori Bajraktari me stafin e tij ka qëndruar për vizitë zyrtare në Irlandë

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari me stafin e tij: Bashkim Thaçi, Bujar Pira, Flamur Salihu, Florit Hoxha dhe Artan Veseli kan qëndruar në Irlandë, në kuadër të projektit ‘’Creating Theory to Practice Centers for Innovation and Employment’’.

Gjatë qëndrimit në Irlandë rektori Bajraktari dhe stafi i tij kan vizituar ‘’Universiteti North West Regional Collage’’, ku u njoftuan me përvojat e zhvillimit të aktiviteteve biznesore në Kolegj, nga të cilat UShAF mund të përfitoj.

Po ashtu, rektori Bajraktari ka vizituar Qendrën për mbështjetje të bizneseve, e cila është pjesë e ‘’Universiteti North West Regional College’’, ku u shoqërua gjatë gjithë kohës nga inxhinieri Philip Devlin, si dhe u takua me menaxherin e Teknologjisë Inovative, Fergal Tuffy, i cili tregoj për mënyrën e organizimit të këtij Universiteti dhe lidhjen që ka me Qeverinë lokale dhe bizneset. Po ashtu, z. Tuffy premtoj se do të ndihmoj UShAF – in që të përvetësoj dhe praktikoj metodat më të mira të këtij Universiteti.

Rektori dhe stafi i tij kan vizituar edhe komunën e qyteteve Derry City dhe Strabane, ku u takuan me stafin e kësaj komune dhe përfaqësuesin kryesor, Kevin O’Connor, i cili u tregoj për raportin që ka kjo komunë me bizneset, si dhe u dakorduan që të vazhdojnë me shkëmbimin e informacioneve në të mirë të të dyja institucioneve.

Në kuadër të kësaj vizite qëndruan edhe në kompanitë ‘’NUPRINT’’, e cila merret me printimin e ambalazheve të ndryshme të produkteve dhe ‘’SEAGATE’’, e cila është kompania lidere e prodhimit të hard disqeve në Botë, me të cilat Universiteti North West Regional College bashkëpunon.