Drejtori i Agjencionit Austriak për Zhvillim, Martin Ledolter vizitoj UShAF – in

Sot, drejtori i Agjencionit Austriak për Zhvillim, z. Martin Ledolter qëndroj në UShAF me ç’rast u prit nga rektori i UShAF, Prof. Dr. Agron Bajraktari dhe prorektori, Prof. Dr. Afrim Loku, ku u bisedua për vazhdimin e bashkëpunimit edhe në të ardhmen.

Rektori Bajraktari i uroi mirëseardhje drejtorit Ledolter dhe e falënderoi atë që në mesin e të gjitha universiteteve publike, ka zgjedhur të vizitoi UShAF-in. Po ashtu, rektori e njoftoi atë për aktivitetet e UShAF dhe i spjegoi për mundësitë që i ofron universiteti ynë për të qenë më afër me tregun e punës.

Gjithashtu, rektori foli edhe për bashkëpunimin e vazhdueshëm me bizneset dhe tha se i gjithë ky bashkëpunim bëhet me qëllim të arritjes së shkathtësive më të mira profesionale në UShAF. Po ashtu, foli edhe për plan-programet dhe angazhimet e ndryshme profesionale, për të cilat sipas tij pikë referuese është Universiteti i Salzburgut.

Ndërsa, drejtori Ledolter falënderoi rektorin Bajraktari dhe stafin e UShAF për mikëpritjen, si dhe entuziazmin e shfaqur nga ana e studentëve për të avancuar sukseset dhe ndihmën që mund të ofroj Agjencioni. Gjithashtu, ai shpalosi praktikat e universiteteve aplikative në Austri dhe njëkohësisht ofroj bashkëpunimin me përvojat e këtyre universiteteve.

Në ligjëratën e mbajtur për studentët, drejtori Ledolter foli për aktivitetet e këtij Agjencioni nëpër të gjitha vendet e Botës, me shpalosjen e projekteve të ndryshme.  Ai prezantoj edhe projektet të cilat do të jenë të dedikuara për studentët e UShAF, duke nënkuptuar edhe mobilitetin e tyre dhe të mësimdhënësve.