Rektori Bajraktari mori pjesë në hapjen e Kongresit të Dytë Ndërkombëtar të Shkencave Juridike dhe Ekonomike

Pa Komente

Rektori i Universitetit të  Shkencave të Aplikuara në Ferizaj (UShAF), Prof. Dr. Agron Bajraktari, mori pjesë në ceremoninë e hapjes solemne të Kongersit të Dytë Ndërkombëtar të Shkencave Juridike dhe Ekonomike.

Në këtë Kongres dyditor me temën: “Integrimi Euro-Atlantik i Republikës së Kosovës”, i cili po mbahet në Amfiteatrin e Bibliotekës Universitare “Hasan Prishtina”, në Prishtinë, po marrin pjesë rreth 150 studentë dhe profesionistë të shkencave juridike dhe ekonomike nga Kosova, rajoni dhe më gjerë.

Gjatë kohës sa do të zgjasë Kongresi, do të bëhet prezantimi i 17 punimeve, të cilat kanë për qëllim parësor dhënien e kontributit në shkrimin akademik në shkencat e juridike dhe ekonomike.

Të pranishëm në ceremoninë e hapjes së Kongresit, përveç profesorëve ishin edhe përfaqësues nga MAShT, rektori i UP-së – z. Marjan Dema, prorektorët e Fakultetit Juridik dhe atij Ekonomik të UP-së dhe kryetari i Rinisë së Ferizajt – z. Nuhi Çerkini.

Kongresi është organizuar nga Qendra për Avancimin e Studimeve Juridike dhe Ekonomike (QASJE) dhe është mbështetur nga MAShT dhe Universiteti i Prishtinës.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.