Rektori Bajraktari u prit nga ministri i ri i Arsimit, z. Shyqiri Bytyqi

Pa Komente

Rrektori i Universitetit të Shkencave të Aplikuara në Ferizaj (UShAF), z. Agron Bajraktari me bashkëpunëtorë, është pritur sot nga ministri i ri i Arsimit, Shkencës dhe Teknologjisë, z. Shyqiri Bytyqi.

Rektori Bajraktari, pasi që i uroi detyrën ministrit Bytyqi, e njoftoi atë me gjendjen në universitetin më të ri publik në vend, me të arriturat dhe vështirësitë që po përballet ky Universitet.

Rektori Bajraktari kërkoi mbështetjen e Ministrit për ta zhvilluar universitetin e vetëm që ofron programe të shkencave të aplikuara dhe rrejdhimisht është më afër me tregun e punës.

Rektori theksoi se me gjithë të arriturat në fushën e bashkëpunimit ndërkombëtarë, marrëveshjet e shumta me bizneset për punën praktike të studentëve e shumë të arritura të tjera, Universiteti ka nevojë të theksuar për mbështetje financiare.

Ministri Bytyqi premtoi bashkëpunim dhe theksoi se do ta mbështesë në rrugën drejt reformimit dhe zhvillimit këtë universitet për të cilin Kosova dhe të rinjtë tanë kanë shumë nevojë.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.