Trajnim i stafit akademik të UShAF për përdorimin e EBSCO

Universiteti i Shkencave të Aplikuara në Ferizaj (UShAF), vazhdon të përfitojë nga projekti “Përmirësimi i Kulturës Kërkimore në Arsimin e Lartë në Kosovë (ResearchCult)”, të Erasmus+. 

Në kuadër të këtij projekti, është siguruar qasja për të gjithë stafin akademik të universitetit në databazën elektronike të kërkimeve ndërkombëtare EBSCO (E-Library System), nga ku mund të gjejnë kërkime shkencore nga të gjitha lëmitë.

Gjithashtu, sot nga trajnerët e EBSCO-s është mbajtur një takim udhëzues on-line për shfrytëzim të kësaj platforme nga përdoruesit.

UShAF, planifikon që së shpejti një qasje e tillë t’i mundësohet edhe studentëve të programit master, të cilët në punën e tyre kërkimore gjatë punimit të temës së diplomës, do të mund t’i shfrytëzojnë burimet e kësaj librarie elektronike dhe t’i qasen  hulumtimeve më të fundit të të gjitha disiplinave akademike.