Vizitë e studentëve të UShAF në Panairin Makinave CNC në Shkup

Studentët e vitit të tretë të Fakultetit të Arkitekturës, Dizajnit dhe Teknologjisë së Drurit, të shoqëruar nga profesorët: Sulejman Meta, Rrahim Sejdiu dhe Florit Hoxha, vizituan Panairin e Makinave CNC në Shkup, i cili po organizohet për herë të katërt në këtë format.

Gjatë kësaj vizite në panair, studentët patën rastin që të njoftohen për së afërmi me të arriturat më të reja të teknologjisë së makinave CNC, të cilat i ofrojnë kompanitë e ndryshme evropiane dhe me aksesorët e kompanisë BLUM.

Gjithashtu, studentët patën rastin që për së afërmi të shohin demonstrimet me makina CNC në përpunimin e disa detaleve të thjeshta dhe komplekse, të cilat u demonstruan nga inxhinierët me përvojë të disa kompanive përkatëse.

Panairi u organizua nga Kompania YUGOIMPEX, përfaqësuesit e së cilës mbajtën një ligjëratë të shkurtër para studentëve lidhur me makinat CNC, si dhe rëndësinë e përdorimit të tyre në rritjen produktivitetit të punës në lëminë e përpunimit të drurit.