UShAF po merr pjesë në Panairin e Punës në Ferizaj

Pa Komente

Studentët e Universitetit të Shkencave të Aplikuara në Ferizaj, po marrin pjesë në Panairin e Punës 2017 dhe ata kanë një hapësirë ku po japin informacione për të gjithë të interësuarit në lidhje me funksionimin e Universitetit.

Me këtë rast, rektori i UShAF, Prof. Dr. Agron Bajraktari vizitoi Panairin dhe i përgëzoi studentët për përkushtimin me të cilin po e kryejnë këtë punë, duke i bërë një reklamë të mirë Universitetit.

“Vet mënyra se si ju, me kaq përgjegjësi dhe vullnet, po prisni vizitorët e interesuar, tregon se Universiteti ynë ka studentë të zotët dhe që e duan profesionin që kanë zgjedhur, si dhe duan ta shohin duke u zhvilluar institucionin që kanë zgjedhur për t’u përgatitur për të ardhmen”, tha Rektori.

Rektori Bajraktari theksoi edhe kësaj radhe se programet që ofron UShAF janë programe atraktive për të rinjtë dhe mundësi e mirë për të qenë më afër tregut të punës.

Panairi po mbahet në qytetin e Ferizajt, në objektin e shkollës fillore “Tefik Çanga”, dhe gjatë ditës është vizituar nga shumë të interesuar për të parë se çka ofrojnë 26 ekspozuesit që po marrin pjesë, prej të cilëve 20 kompani që ofrojnë mundësi punësimi dhe 6 organizata dhe institucione të edukimit dhe të punësimit.

Panairi i Punës 2017 u organizua nga komuna e Ferizajt në bashkëpunim me Ministrinë e Punës dhe Mirëqenies Sociale dhe Organizatën Ndërkombëtare – GIZ.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.