UShAF pajiset me skanera të tipit 3D

Universiteti i Shkencave të Aplikuara në Ferizaj (UShAF) po vazhdon të krijojë kushte maximale, duke sjellë pajisje të nevojshme për aftësimin e studentëve të këtij universiteti.

Tanimë, në laboratorin e UShAF, i cili është në kompletim e sipër, u shtuan edhe dy skanerë të tipit 3D, në kuadër të projektit “Euforia”.

Qëllimi i sjelljes së këtyre skanerëve është që studentëve dhe bizneseve të iu mundësohet skanimi i mobiljeve, prototipeve të ndryshme, etj. Pra, këta skanerë, përveç që do të ndihmojnë në përgatitjen më të mirë të studentëve në profesionin e tyre, do të ndihmojë edhe bizneset në veprimtarinë e tyre dhe përmirësimin e prodhimit.