USHAF lidhë Marrëveshje Bashkëpunimi me “Termokos-in” për punën praktike të studentëve

Universiteti i Shkencave të Aplikuara në Ferizaj (UShAF) dhe ngrohtorja e qytetit të Prishtinës “Termokos” kanë lidhur Marrëveshje Bashkpunimi ndërinstitucionale, me të cilën studentët e këtij Universiteti do të mund të kryejnë punën praktike, por edhe të punojnë temat e diplomës.

Kjo Marrëveshje është nënshkruar nga rektori i UShAF, Prof. Dr. Agron Bajraktari dhe kryeshefi ekzekutiv i “Termokos-it”, z. Naser Canolli pas vizitës që studetë të këtij Universiteti i bënë Ngrohtores së Prishtinës.

Studentët u pritën nga kryeshefi Canolli, i cili theksoi shpresën e tij që kjo Marrëveshje të përveç që t’iu shërbejë atyre për përgatitje më të mirë profesionale, t’iu mundësojë edhe punësim më të shpejtë.

Ndërsa, rektori Bajraktari falënderoi “Termokos-in” për krjimin e kësaj mundësie për studentët dhe u shpreh i kënaqur që është arritur ky bashkëpunim, nga i cili përfitojnë më së shumti studentët e shkencave të aplikuara, por edhe vet Ngrohtorja, e cila sipas Marrëveshjes, e cila do të mund të angazhojë Universitetin në zgjedhjen e problemeve praktike dhe shkencore.

Rektori Bajraktari theksoi se kjo Marrëveshje është e një rëndësie të veçantë, sepse do të ndikojë në ngritjen e cilësisë së studimeve, dhe si rezultat edhe në zhvillimin e Universitetit të Shkencave të Aplikuara në përgjithësi.

Gjatë kësaj vizite, studentët, të udhëhequr nga ekspertë të Ngrohtores së Prishtinës, kanë vizituar ambientet dhe kanë parë nga afër si funksion ky institucion. Ndërsa, studentët e Fakultetit të Ingjinierisë Industriale me Informatikë kanë filluar menjëherë punën praktike në “Termokos”.