Universiteti i Teknologjisë dhe Arteve në Shkenca të Aplikuara në Varshavë, Poloni në bashkëpunim me Universitetin e Shkencave të Aplikuara në Ferizaj (UShAF), në kuadër të programit Erasmus+ International Credit Mobility, të financuar nga Komisioni Evropian, hap thirrjen për mobilitet për semestrin Veror 2025.

Thirrja për mobilitet përmban pesë bursa dedikuar studentëve të Fakultetit të Arkitekturës Dizajnit dhe Teknologjisë së Drurit dhe studentëve të Fakultetit të Menaxhmentit, niveli bachelor (nga viti i dytë i studimeve) dhe master.

Studentët e interesuar duhet të dërgojnë një letër motivuese në gjuhën angleze në email adresën e Zyrës për Bashkëpunim Ndërkombëtar në UShAF: [email protected]

Afati i fundit për aplikim është deri me datë 1 dhjetor 2024.