Takim Informues në UShAF

Në Universitetin e Shkencave të Aplikuara në Ferizaj (UShAF), u mbajt Takim Informues me anëtarët e Këshillit Drejtues, personelin akademik, administrativ dhe Parlamentin Studentor.

Gjatë këtij takimi të pranishmit u njoftuan nga Rektori Bajraktari lidhur me rrjedhat e akreditimit të programeve mësimore të UShAF, si dhe angazhimin e personelit akademik në mësimdhënie dhe çështje të tjera mësimore.

“Këshilli Shtetëror i Cilësisë, para dy muajve ndërmori veprime të dëmshme dhe të paarsyeshme lidhur me akreditim të programeve mësimore për universitetin tonë, si dhe disa universitete tjera publike të Kosovës. Nga ne ky veprim u cilësua se ishte vendim arbitrar dhe i padrejtë, pa profesionalizëm, duke mos e shqyrtuar fare dokumantacionin. Reagimet tona, u përcollën në Konferencën e Rektorëve, e cila me reagimet e saja e detyroj KSHC-në që të ndrroj qëndrimet dhe vendimet e marra që ishin të dëmshme për universitetin tonë dhe jo të bazuara në procedura ligjore. Veç kërkesa e UShAF, rezultoj me kthimin e akreditimit të të gjitha programeve egzistuese dhe pranimin në proces të akreditimit për 5 programe të reja. Tani mbetet që të formohen grupet e ekspertëve ndërkombëtar nga KSHC, të cilat do të bëjnë vlerësimet për përmbushjen e kushteve dhe kritereve të akreditimit”, tha Rektori.

Poashtu, Rektori falënderoj personelin akademik, i cili kohëve të fundit ishte i angazhuar maksimalisht në hartimin e raporteve të vetëvlerësimit për të akredituar programet mësimore, të cilat në këtë moment janë në fokus të punëve që zhvillohen në Universitet. Përveç kësaj, Rektori foli edhe për format e reja të mësimdhënies dhe mësimnxënies, siç janë: ligjëratat, ushtrimet, puna praktike e studentëve, projektet e ndryshme, etj., të cilat sipas trendeve aktuale ndryshojnë çdo ditë e më shumë, sepse sipas tij në krahasim me kohërat e mëhershme, studenti është në qendër të vëmëndjes dhe ai vet kontribuoon në zhvillimin dhe aftësimin e tij professional.

Ndër të tjera, në këtë takim morën fjalën Parlamenti Studentor, i cili falënderoj Rektorin për angazhim maksimal që po arrinë të bëjë realizimin e objektivave të Universitetit për të mirën e studentëve, si dhe regjionit në tërësi.