Kjo ngjarje, me rëndësi të madhe, mblodhi ekspert rajonal dhe ndërkombëtar në fushat e Arkitekturës, Dizajnit dhe Teknologjisë moderne të Drurit. Në këtë garë morën pjesë universitete publike dhe private nga e gjithë Kosova. Pas ceremonisë së certifikimit të studentëve pjesëmarrës, u ndanë çmimet për dizajnet më të mira.

Studenti i UShAF, Erzon Dërguti, u nderua me çmimin e dytë për produktin e tij inovativ, “Karrige Inovative”.

Rektori i UShAF-it, Prof. Dr. Agron Bajraktari, përshëndeti këtë iniciativë të realizuar nga Shoqata e Përpunuesve të Drurit të Kosovës (SHPDK) dhe partnerët e tjerë, duke theksuar rëndësinë e saj në ngritjen e kapaciteteve profesionale të institucioneve të arsimit të lartë. Ai përgëzoi studentin Erzon Dërguti dhe ekipin e tij për suksesin e arritur, duke vënë në dukje se studentët e UShAF kanë treguar vazhdimisht rezultate të larta, duke fituar vendet e para, të dyta dhe të treta në gara të ngjashme ndër vite. Gjithashtu, Rektori shprehu mirënjohje për mësimdhënësit Ligj. PhDc. Faton Spahiu, Prof.Asoc. Dr.Rrahim Sejdiu, Ligj. PhDc.Kushtrim Cukaj, Ligj. PhDc .Lulzim Idrizi dhe Ligj. PhDc.Bujar Jashari për angazhimin e tyre në zhvillimin profesional të studentëve.

Konventa e Industrisë së Drurit, një ngjarje e përvitshme, bashkon përpunuesit e drurit dhe aktor tjerë të fushës në Kosovë, duke krijuar mundësi për shkëmbim informacionesh dhe bashkëpunime mes bizneseve (B2B) dhe institucioneve arsimore.