Create your own sidebar via Visual Composer with drag and drop tech, for almost all pages!
Iniciativa e Kompanisë “Blum” për të ndihmuar UShAF-in po bëhet realitet
Pa Komente
Përfaqësuesit për Kosovë të kompanisë austriake “Blum”, z. Miroslav Stanonik dhe përfaqësuesja/konsulentja për Shqipëri dhe Kosovë e kësaj kompanie, znj. Violeta Gashi, vizituan Universitetin e Shkencave të Aplikuara në Ferizaj (UShAF), me ç’rast u pritën nga rektori, Prof. Dr. Agron Bajraktari.
Iniciativa për të ndihmuar Universitetin ka filluar përmes znj. Gashi, e cila tanimë në bashkëpunim me rektorin Bajraktari po fillon të bëhet realitet.
Kompania ‘’Blum’’, për fillim ka vendosur të sjellë donacion për UShAF një makinë për shpuarje, e cila do ta lehtësojë punën praktike të studentëve, për vendosjen e aksesorëve të ndryshëm në mobileri. Kompania, po ashtu, do të furnizojë Universitetin edhe me mentesha, sirtar metalik dhe aksesorë të ndryshëm.
‘’Blum’’ i ofroi Universitetit edhe trajnimin e dy personave nga Universiteti, të cilët do të perfeksionohen në përdorimin e kësaj makine dhe pastaj këto njohuri do t’i bartin te studentët.
Rektori Bajraktari i falënderoi përfaqësuesit e Kompanisë për nderin e madh që po i bëjnë Universitetit dhe tha se për studentët është shumë e rëndësishme që do të kenë mundësinë të punojnë dhe të njihen me produktet e kësaj kompanie me renome botërore.
Njëherit, Rektori shprehu gatishmëri që të ofrojë në dispozicion të gjithë makinerinë e punëtorisë së Universitetit për Kompaninë, në të cilën do të bëhet trajnimi për të përzgjedhurit e saj jashtë Universitetit.
“Blum” është një kompani familjare që vepron në mbarë botën, e cila është e specializuar për prodhimin dhe shpërndarjen e pajisjeve: aksesorë, sistemet e ngritjes, sistemet e varëseve dhe sistemet e sirtarëve/pullave për mobilje – kryesisht për kuzhina. “Blum” ka shtatë zona prodhimi në Austri, si dhe vende prodhimi në Poloni, Brazil, ShBA dhe 28 filiale në mbarë botën. Po ashtu, “Blum” është distributor në më shumë se 120 vende të botës.