Studentët e UShAF po marrin pjesë në Panairin Ndërkombëtar të Mobilerisë “MEBEL 2017”

Pa Komente

Studentët e Universitetit të Shkencave të Aplikuara në Ferizaj, të shoqëruar nga dekanët (z. Rrahim Sejdiu, z. Fatmir Çerkini dhe z. Ismet Malësiu), po marrin pjesë në Panairin Ndërkombëtar të Mobilerisë “MEBEL 2017”, në Shkup.

Panairi ka rreth 60 mijë vizitorë dhe shquhet për atraktivititet, prandaj UShAF ka vendosur që t’ju japë edhe këtë mundësi studentëve, në mënyrë që të shohin nga afër prodhimet e reja të kompanive të ndryshme dhe mënyrën e prezantimit të tyre në treg.

Në këtë Panair studentët patën mundësinë që të mësojnë metoda të zhvillimit të marketingut, të cilat aplikohen nga kompani të mëdha nga mbarë bota, të cilat ishin pjesëmarrëse në “MEBEL 2017”.

Po ashtu, studentët patën mundësinë të njoftohen edhe me tekonlogjinë moderne të prodhimit të mobileve dhe trendin e zhvillimit të tyre me dizajne të reja, që aktualisht i kërkon më shumë edhe tregu global.

Panairi “MEBEL 2017” është i 43-i me radhë dhe në të u prezantuan kompani nga vende të ndryshme të botës. Pjesëmarrëse në këtë Panair janë edhe kompani të ndryshme nga Kosova, ndër to është edhe kompania “Ahikos” nga Ferizaj, me të cilën UShAF ka Marrëveshje Bashkëpunimi për punën praktike të studentëve.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.