Create your own sidebar via Visual Composer with drag and drop tech, for almost all pages!
Studentët dhe udhëheqësit e UShAF festuan suksesin e Universitetit me rastin e festave të fundvitit
Pa Komente
Për të festuar suksesin e treguar gjatë këtij viti të Universitetit të Shkencave të Aplikuara në Ferizaj (UShAF), Parlamenti Studentor, në bashkëpunim me studentët e vitit të parë të Arkitekturës, Dizajnit dhe Teknologjisë së Drurit dhe atyre të Turizmit dhe Ambientit, kanë organizuar një takim të përbashkët festiv.
Në këtë ngjarje kanë marrë pjesë studentë, profesorë dhe udhëheqës të Universitetit, përfshirë edhe rektorin Prof. Dr. Agron Bajraktari, i cili falënderoi studentët për këtë organizim dhe për të gjithë punën që kanë bërë gjatë studimeve në këtë vit kalendarik.
Rektori Bajraktari theksoi se ky sukses është i përbashkët. “Universiteti ekziston për studentët, prandaj suksesi juaj është treguesi më i mirë në rrugën drejt rritës së Universitetit, si dhe krijimin e politikave zhvillimore”.
Rektori tha se organizime të tilla nuk i kanë munguar gjatë këtij viti Universitetit dhe për këtë përgëzoi studentët. Ai tha se këto takime përveç që janë një lloj forumi social, janë edhe dëshmi se Universiteti ynë i gëzohet gjithmonë sukseseve të përbashkëta.
Ndërsa, rektori Bajraktari premtoi mbështetje të vazhdueshme për studentët që nga krijimi i kushteve sa më të mira për përgatitjen e tyre profesionale, e deri te shënimi i sukseseve të tyre.
Për këtë atmosferë festive, studentët e UShAF janë kujdesur vet për përgatitjen e ushqimeve të shumëllojshme dhe pijeve, me të cilat janë shërbyer pjesëmarrësit.