Stafi akademik i UShAF, pjesëmarrës në takimin e parë të projektit ‘’Krijimi i Qendrave nga Teoria në Praktikë për Inovacion dhe Punësim’’

Në International Business College Mitrovica në Mitrovicë, u mbajt takimi i parë i partnerëve të projektit ‘’Krijimi i Qendrave nga Teoria në Praktikë për Inovacion dhe Punësim’’. Përfaqësues të Universitetit të Shkencave të Aplikuara në Ferizaj (UShAF) ishin Rektori, prof. Dr. Agron Bajraktari dhe Prorektori për Bashkëpunim Ndërkombëtar dhe Sigurim të Cilësisë, Prof. Dr. Bujar Pira.

Gjatë takimit dyditorë në këtë Projekt u bënë prezantimet e Universiteteve dhe institucioneve partnere, me theks të veçantë në potencialin dhe praktikat e tyre të hulumtimeve në edukimin e lartë, si dhe roli i tyre në Projekt.

Projekti ‘’Krijimi i Qendrave nga Teoria në Praktikë për Inovacion dhe Punësim’’, ka për qëllim të përmirësoj rëndësinë e arsimit të lartë për tregun e punës dhe shoqërinë kosovare, duke krijuar qëndrueshmërinë në modelet e ndërveprimit midis universiteteve dhe ndërmarrjeve.

(UShAF), si partner në këtë Projekt, synon ti marrë përvojat më të mira të institucioneve nga Lituania, Bullgaria, Gjermania, Sllovenia dhe Mbretëria e Bashkuar në ndërlidhjen e universiteteve me bizneset të gjitha në interes të rritjes së punësueshmërisë së të diplomuarve.