Sesion Informues për studime semestrale në Universitetin Teknik i Rigës në Letoni

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari ka pritur në takim drejtoreshën e Departamentit për Marrëdhënie Ndërkombëtare të Universitetit Teknik të Rigës (Letoni), znj. Liene Maurite, me të cilën ka biseduar për mundësitë e bashkëpunimit mes dy universiteteve.

Rektori Bajraktari falënderoi drejtoreshën Maurite për bashkëpunimin dhe foli para studentëve për mundësitë e shumta që ofron ky universitet.

Ndërsa, drejtoresha Maurite shprehi kënaqësinë që për të dytën herë po qëndron në UShAF dhe para studentëve shpjegoi procedurat që duhet ndjekur për të aplikuar në këtë Universitet.

Universiteti i Teknik i Rigës është universiteti më i vjetër teknik në vendet baltike, i themeluar në vitin 1862.