Rektori Bajraktari shpërndau ID-të e para për studentët e UShAF

Rekrori i Universitetit të Shkencave të Aplikuara në Ferizaj, z. Agron Bajraktari ka shpërndarë në mënyrë simbolike ID-të për studentët e Universitetit, me ç’rast ka theksuar se ky është një rast unik për UShAF-in dhe studentët.

Florinda Fuga, Milot Krasniqi, Festina Sylejmani, Egzona Sadriu dhe Ardian Maliqi janë studentët e vitit të parë, të cilët pranuan ID-të e para nga rektori Bajraktari, për të vazhduar më tutje shpërndarjen e tyre për të gjithë studentët e tjerë.

Rektori, Prof. Dr. Agron Bajraktari, me këtë rast uroi që studentët të kenë të arritura sa më të mëdha në punën akademike dhe i posrositi ata t’i përkushtohen studimeve, në mënyrë që të bëhen sa më të zotët në profesonin që kanë zgjedhur.

Në këtë drejtim, Rektori premtoi përkushtimin e vazhdueshëm të menaxhmentit dhe stafit akademik në krijimin e kushteve, si dhe një fryme sa më të mirë për studime cilësore.