Rektori Bajraktari, profesorë dhe studentë të UShAF morën pjesë në inaugurimin e Qendrës së parë të Inovacionit dhe Ndërmarrësisë në Ferizaj

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari së bashku me stafin akademik dhe studentët, mori pjesë në inaugurimin e Qendrës së parë të Inovacionit dhe Ndërmarrësisë në Ferizaj.

UShAF ishte pjesëmarrës në hapjen solemne me pjesën inovative të Universitetit, konkretisht me teknologjinë më të re inovative, 3D printerët, 3D skanerët dhe Realitetin Virtual (VR), ku mësimdhënsësit dhe studentët para të pranishmëve demonstruan njohuritë dhe inovacionin në këto fusha.

Po ashtu, menaxhmenti i UShAF mori premtimet për vazhdimin e përkrahjes më të madhe nga Kryetari i Kuvendit të Kosovës, z. Kadri Veseli dhe Kryetari i Komunës së Ferizajt, z. Agim Aliu për rritjen e hapësirave infrastrukturore dhe investime të tjera në teknologji të kohës së fundit.

Rektori Bajraktari e noftoj Kryetarin e Kuvendit të Kosovës, z. Kadri Veseli, Ministrin e Ministrisë së Inovacionit dhe Ndërmarrësisë, z. Besim Beqaj, Ministrin e Ministrisë së Administratës Publike, z. Mahir Yagcilar, Kryetarin e Komunës së Ferizajt, z. Agim Aliu, Deputetin e Kuvendit të Kosovës, z. Ilmi Reçica dhe të pranishmit e tjerë mbi sukseset dhe të arriturat e Universitetit tonë që nga themelimi e deri më tani.

Qendra për Inovacion dhe Ndërmarrësi në Ferizaj është financuar nga Ministria e Inovacionit dhe Ndërmarrësisë dhe Komuna e Ferizajt dhe ka për qëllim rritjen e punësimit dhe zhvillimit ekonomik përmes teknologjisë.