Rektori Bajraktari po merr pjesë në Kongresin e Parë të Inxhinierisë dhe Shkencës Ndërkombëtare Turke në Antalia – Turqi

Pa Komente

Rektori i Universitetit të Shkencave të Aplikuara në Ferizaj (UShAF), Prof. Dr. Agron Bajraktari, po qëndron për vizitë zyrtare në Antalia të Turqisë, në kuadër të bashkëpunimit me Universitetin e Gazit, ku po merr pjesë në Kongresin e Parë të Inxhinierisë dhe Shkencës Ndërkombëtare Turke.

Pjesëmarrës në këtë Kongres, president i të cilit është Prof. Dr. Seyhan Firat (Universiteti i Gazit), janë studiues të njohur nga e gjithë bota, të cilët po bëjnë prezantimet e punimeve të tyre, ndër ta edhe Akif Gashi, Kryetar i Shoqatës së Mësimdhënësve Turk të Kosovës dhe Orhan Volkan, Inspektor i Arsimit në MAShT.

Punimet shkencore të prezantuara në Kongres kanë një rol të rëndësishëm në ndarjen e informacioneve dhe metodave të reja, duke ndjekur të arriturat shkencore dhe teknologjike, si dhe duke bërë zgjidhjen e problemeve, me theks të veçantë në kontributin për afirmim diplomatik dhe kulturor me partneritet në informacion dhe teknologji.

Në Kongres, Prof. Dr. Agron Bajraktari është anëtar i Komitetit Shkencor të Kongresit, si dhe i ftuar në cilësinë e ligjëruesit kryesor “Keynote Speaker”.

Rektori Bajraktari u prezantua me punimin: “Bashkëpunimi në mes të Universitetit dhe Industrisë: rasti i Universitetit të Shkencave të Aplikuara në Ferizaj”, ku foli për bashkëpunimin e suksesshëm ne mes të Universitetit dhe bizneseve të ndryshme dhe ndryshimet që ato kanë bërë në Universitet përmes Bordit Industrial. Po ashtu, ai foli për të arriturat dhe përfaqësimin e ideve të bizneseve që ndikon dukshëm në performancën e mësimdhënies dhe mësimnxënies në Universitet.

Ky Kongres është pasqyrim i përpjekjeve, për të zhvilluar bashkëpunimin në fushën sociale dhe kulturore në fusha rreth Shkencës dhe Inxhinierisë në vendet në zhvillim. Ky lloj i organizimeve është i rëndësishëm në kuptimin e ndarjes së informacionit që krijon teknologji në vendet e zhvilluara. Si qëllim është vizioni i bashkëpunimit të botës turke me shkencën dhe teknologjinë.

Gjatë kësaj kohe, rektori është takuar edhe me njohës të mëdhenj të botës së inxhinierisë dhe të shkencave të ndryshme me ç’rast këmbeu përvojat dhe idetë për proceset e lartëpërmendura.

This post is also available in: English

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.