Realizim i mësimit praktik nga studentët e UShAF

Pa Komente

Studentët e UShAF të Fakultetit të Inxhinierisë Industriale me Informatikë nën udhëheqjen e dekanëve, z. Ismet Malsiu dhe z. Fatmir Çerkini si dhe ligjërueses, znj. Binaze Jashari, realizuan mësimin praktik në kompaninë “Pista Ekoplast”, në Rahovec dhe kompaninë “Fetoshi”, në Xerxë – Rahovec.

Në kompaninë “Pista Ekoplast”, studentët për së afërmi u njoftuan me procesin e ripërpunimit (riciklimit) të materialeve polimere, ndërsa në kompaninë “Fetoshi”, për prodhimin dhe tregëtimin e materialeve ndërtimore dhe izoluese.

Menaxheri i kompanisë “Pista Ekoplast”, z. Ilir Pista veç tjerash theksoi rëndësinë e mbledhjes së mbeturinave dhe riciklimit të tyre, veprimtari e cila ndikon në mbrojtjen e ambientit mjedisor.

Ndërsa menaxheri i kompanisë “Fetoshi”, z. Nazmi Kryeziu, theksoi investimet e bëra në teknologjinë e re për prodhimin e styroporit për përdorim të jashtëm dhe të brendshëm, si dhe shumë zbukurimeve të tjera të cilat po ashtu ndikojnë në kursimin e energjisë nëpër banesa të ndryshme.

Studentët  mbetën të kënaqur nga kjo ditë e punës praktike dhe falënderuan kompanitë për mikpritjen dhe sugjerimet – spjegimet e dhëna në mënyrë të drejtpërdrejtë në këto procese teknologjike të prodhimit.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.