Punëtori në UShAF me studentët e Arkitekturës, Dizajnit dhe Teknologjisë së Drurit

Studentët e Arkitekturës së Interierit dhe Dizajnit të Mobileve realizuan Punëtori në Universitet, në kuadër të lëndës ‘’Dizajni i Interierit’’.

Qëllimi i kësaj Punëtorie ishte krijimi dhe dizajnimi i produkteve inovative dhe multifunksionale në mobileri.

Në këtë Punëtori, morën pjesë mbi 80 studentë, ku gjatë punës së tyre të ndarë në grupe bënë dizajnimin e produkteve. Produktet më të mira të përzgjedhura të studentëve do të marrin pjesë në ekspozitën ‘’Profesionistët e së Ardhmes 2018’’, e treta me radhë, e cila organizohet nga studentët dhe profesorët e UShAF. Me këtë rast studentët do të kenë mundësinë t’i prezantojnë produktet para bizneseve kosovare, ku do të mund të krijojnë mundësi bashkëpunimi dhe kyçje në treg.