Punëtori në dizajnimin e produkteve nga studentët e Arkitekturës, Dizajnit dhe Teknologjisë së Drurit

Studentët e Arkitekturës së Interierit dhe Dizajnit të Mobileve realizuan Punëtori në Universitet, në kuadër të lëndës ‘’Dizajni i Produktit’’.

Punëtoria ka për qëllim krijimin dhe dizajnimin e produkteve inovative dhe multifunksionale në mobileri.

Në Punëtori, morën pjesë rreth 80 studentë, të cilët bënë dizajnimin e disa produkteve së bashku me profesorin e lëndës, Florit Hoxha.

Produktet më të mira të përzgjedhura të studentëve do të marrin pjesë në ekspozitën ‘’Profesionistët e së Ardhmes 4’’, e katërta me radhë, e cila do organizohet me datë 29 maj nga studentët dhe profesorët e UShAF. Me këtë rast studentët do të kenë mundësinë t’i prezantojnë produktet para bizneseve kosovare, ku do të mund të krijojnë mundësi bashkëpunimi dhe kyçje në treg.